У СВК "Аграфірма Малеч" тэмпы збору ўраджаю задаюць супрацоўнiкi Дэпартамента аховы

Источник материала:

Усяго на палях нашай рэспублiкi працуюць 17 супрацоўнiкаў Дэпартамента аховы, якiя, знаходзячыся ў водпуску, дапамагаюць гаспадаркам збiраць ураджай.

Так, напрыклад, два супрацоўнiкi Бярозаўскага аддзела аховы — мiлiцыянер узвода мiлiцыi прапаршчык Сяргей Стасевiч i яго таварыш, мiлiцыянер-вадзiцель, прапаршчык Юрый Барушка — працуюць адпаведна камбайнерам i памочнiкам камбайнера ў СВК "Аграфiрма Малеч". Экiпаж па вынiках збору ўраджаю ўваходзiць у склад перадавiкоў у гаспадарцы.

— Нам падабаецца сам працэс жнiва. Гэта вiдовiшча, якое зачароўвае, — апавядаюць пра свае ўражаннi Сяргей i Юрый.

Экiпаж Сяргея Стасевiча i Юрыя Барушкi ўпэўнена займае трэцяе месца ў гаспадарцы (а гэта шэсць вёсак, пяць тысяч гектараў палёў).

Працай мiлiцыянераў вельмi задаволены старшыня СВК "Аграфiрма Малеч" Іван Данiлевiч:

— Экiпаж Сяргея Стасевiча i Юрыя Барушкi адзначаецца выдатнай дысцыплiнай, з’яўляецца добрым прыкладам у адносiнах да працы i тэхнiкi.

Андрэй Гаўрон.

Юлiя Аксючыц.