Пасол Расіi ў Беларусi не выключае магчымасцi ўваходжання Абхазii i Паўднёвай Асецii ў склад СНД i С

Источник материала:

Надзвычайны i Паўнамоцны Пасол Расiйскай Федэрацыi ў Беларусi Аляксандр Сурыкаў не выключае магчымасцi ўваходжання Абхазii i Паўднёвай Асецii ў склад СНД i Саюзнай дзяржавы Беларусi i Расii ў выпадку прызнання гэтых рэспублiк усiмi членамi СНД i СД. Аб гэтым ён паведамiў учора на прэс-канферэнцыi ў Мiнску.

Пры гэтым пасол падкрэслiў, што прызнанне або непрызнанне незалежнасцi Абхазii i Паўднёвай Асецii — суверэннае права Беларусi. "У адпаведнасцi з дагаворам аб Саюзнай дзяржаве, абедзве краiны захоўваюць суверэнiтэт, а таму маюць права дзейнiчаць паводле свайго меркавання ў пытаннях прызнання або непрызнання якой-небудзь дзяржавы", — адзначыў Аляксандр Сурыкаў. "Таму калi Беларусь не прызнае новыя рэспублiкi, гэта не будзе супярэчыць Саюзнаму дагавору", — дадаў ён.

Што датычыцца пытання аб уваходжаннi абедзвюх рэспублiк у склад СНД, пасол Расii адзначыў, што ў гэтым выпадку спатрэбiцца прызнанне незалежнасцi Абхазii i Паўднёвай Асецii ўсiмi членамi Садружнасцi. "Мы не выключаем развiцця падзей у гэтым напрамку. Аднак гэта дастаткова складана", — канстатаваў дыпламат.