Брунсан МакКінлi: "Беларусь — лiдар у супрацьдзеяннi гандлю людзьмi"

Источник материала:

Генеральны дырэктар Мiжнароднай арганiзацыi па мiграцыi (МАМ) Брунсан МакКiнлi ў гэтыя днi знаходзiцца ў Мiнску з афiцыйным вiзiтам. Учора спадар МакКiнлi сустракаўся з мiнiстрам унутраных спраў Рэспублiкi Беларусь Уладзiмiрам Навумавым.

— Дагэтуль асноўнымi напрамкамi дзейнасцi былi супрацьдзеянне гандлю людзьмi i ўвядзенне бiяметрычных пашпартаў, — сказаў журналiстам Брунсан МакКiнлi. — Зараз мы спрабуем аналiзаваць будучыню, каб ужо цяпер акрэслiць сферы далейшага супрацоўнiцтва з выкарыстаннем мiжнароднага вучэбнага цэнтра падрыхтоўкi кадраў для супрацьдзеяння мiграцыi, якi быў тут заснаваны, бо Беларусь — лiдар у сферы супрацьдзеяння гандлю людзьмi на мiжнароднай арэне.

Мiнiстр МУС Уладзiмiр Навумаў прагназуе, што ўжо хутка на Беларусi стане праблемнай працоўная мiграцыя:

— Што датычыцца працоўнай мiграцыi, то мяркую, што ў блiжэйшыя месяцы для нашай краiны яна можа стаць немалаважнай праблемай, i я спадзяюся, што спадар МакКiнлi нi на секунду не спынiць свайго супрацоўнiцтва з нашай краiнай па перадачы вопыту.

Дарэчы, Брунсан МакКiнлi апошнi раз наведвае Беларусь у якасцi генеральнага дырэктара МАМ, бо хутка ён пакiне гэтую пасаду, аднак ён абяцаў яшчэ да нас вярнуцца:

— Я хацеў бы падкрэслiць, што шчыра спадзяюся вярнуцца сюды, больш за тое, я спадзяюся, што мая далейшая дзейнасць будзе таксама звязана з мiграцыяй i што я надалей змагу заставацца надзейным партнёрам Беларусi ў рэалiзацыi сумесных праектаў, у супрацоўнiцтве i ўзаемадзеяннi.

Спыталi журналiсты ў генеральнага дырэктара МАМ, цi паўплывалi на пацяпленне адносiнаў Беларусi з Еўрасаюзам сумесныя праграмы з Мiжнароднай арганiзацыяй па мiграцыi. На што спадар МакКiнлi адказаў:

— Наша арганiзацыя апалiтычная, i мы аддаём перавагу непасрэдна тым пытанням, што ўзнiкаюць, i не канцэнтруемся на палiтыцы. Але паколькi мы жывём у палiтычным свеце i не можам поўнасцю абстрагавацца ад палiтыкi, то давайце скажам, што нашы сумесныя праграмы ўжо дакладна не замiнаюць пацяпленню адносiнаў памiж Беларуссю i Еўрасаюзам. Мне шчыра хацелася б верыць, што яны i ў будучым будуць дапамагаць наладжваць кантакты памiж нашымi краiнамi.