Весляры заваявалi 9 медалёў

Источник материала:

У чарговым матчы чэмпiянату КХЛ мiнскае "Дынама" пацярпела паражэнне. На выездзе яно па булiтах саступiла маскоўскаму "Спартаку" — 2:1. Галоўны трэнер сталiчнага "Дынама" Джым Х’юз пасля матча прызнаўся, што па таму, як складваўся матч, ён задаволены i такiм вынiкам. "Мяркую, гэта гульня спадабалася балельшчыкам. Нам вельмi пашанцавала, што дацягнулi да булiтаў. "Спартак" — вельмi небяспечная каманда , у якой шмат выдатных выканаўцаў. Супраць такога сапернiка заўсёды цiкава гуляць. На жаль, не ўсе нашы хакеiсты выканалi ўстаноўку на матч. Даводзiлася кагосьцi выпускаць часцей, кагосьцi радзей. Калi каманда не гуляе, трэба штосьцi мяняць".

9 медалёў прывезлi беларусы з чэмпiянату свету па веславаннi на байдарках i каноэ сярод студэнтаў, якi прайшоў у сербскiм Белградзе. На рахунку нашых суайчыннiкаў 6 залатых, 2 сярэбраныя i адна бронзавая ўзнагароды. "Золата" заваявалi Дзмiтрый Рабчанка, Дзмiтрый Вайцiшкiн, Канстанцiн Шчарбак i Пётр Васiленка (каноэ-чацвёрка 1000 м i 500 м), Станiслаў Стрэльчанка, Дзянiс Жыгадла, Сяргей Фiндзюкевiч i Руслан Бiчан (байдарка-чацвёрка 1000 м i 500 м), Дзянiс Гаража (каноэ-адзiночка 500 м), а таксама Яўген Петравец i Вiталь Бялько (байдарка-двойка 500 м).

Беларускiя стралкi з лука вызначылiся на мiжнародным турнiры ў Львове "Залатая восень". Антон Прылепаў i Алена Кузняцова не ведалi сабе роўных, абышоўшы спартсменаў Расii, Украiны i Польшчы.

Мужчынская зборная Беларусi па тэнiсе засталася на 25-м месцы ў рэйтынгу Кубка Дэвiса па вынiках матчаў, якiя прайшлi 19—21 верасня. У мiнулыя выхадныя беларускiя тэнiсiсты выйгралi ў каманды Грузii з лiкам 3:0 i захавалi месца ў 1-й групе Еўра-Афрыканскай зоны. У сваю чаргу, грузiны апусцiлiся ў рэйтынгу з 35-й на 40-ю пазiцыю. У топ-10 уваходзяць Расiя, ЗША, Аргенцiна, Іспанiя, Харватыя, Швецыя, Германiя, Францыя, Аўстралiя i Славакiя. 23 верасня ў Мадрыдзе адбудзецца жараб’ёўка Кубка Дэвiса-2009.