Калі вырошчваць вазоны на продаж...

Источник материала:

Рэдакцыя працягвае адказваць на самыя актуальныя пытаннi нашых чытачоў. Сёння чарговую кансультацыю нашаму выданню даюць спецыялiсты галоўнага ўпраўлення падаткаабкладання фiзiчных асобаў Мiнiстэрства па падатках i зборах Беларусi.

— Я планую вырошчваць пакаёвыя раслiны ў сябе дома i прадаваць iх iндывiдуальным прадпрымальнiкам i магазiнам, якiя гандлююць кветкамi. Цi трэба мне самой рэгiстравацца ў якасцi iндывiдуальнага прадпрымальнiка? Якiя падаткi я павiнна буду плацiць?

— Я планую вырошчваць пакаёвыя раслiны ў сябе дома i прадаваць iх iндывiдуальным прадпрымальнiкам i магазiнам, якiя гандлююць кветкамi. Цi трэба мне самой рэгiстравацца ў якасцi iндывiдуальнага прадпрымальнiка? Якiя падаткi я павiнна буду плацiць?

Алена Трыдзень, г. Мiнск.

— Згодна з Грамадзянскiм кодэксам Беларусi, прадпрымальнiцкай дзейнасцю лiчыцца самастойная дзейнасць юрыдычных i фiзiчных асобаў, якая ажыццяўляецца ў грамадзянскiм абароце ад свайго iмя, на сваю рызыку i пад сваю маёмасную адказнасць, накiраваная на сiстэматычнае атрыманне прыбытку ад карыстання маёмасцю, продажы рэчаў, вырабленых, перапрацаваных цi набытых указанымi асобамi для продажу.

З улiкам таго, што ў разглядаемай сiтуацыi ваша дзейнасць накiравана на сiстэматычнае атрыманне прыбытку, то яна мае прызнакi прадпрымальнiцкай. Менавiта таму вам трэба рэгiстравацца ў якасцi iндывiдуальнага прадпрымальнiка.

Пры рэалiзацыi пакаёвых раслiн iншым iндывiдуальным прадпрымальнiкам i арганiзацыям вы маеце права выкарыстоўваць спрошчаную сiстэму падаткаабкладання з пачатку рэгiстрацыi ў якасцi iндывiдуальнага прадпрымальнiка. Уплата падатку па спрошчанай сiстэме замяняе ўплату падаткаў i збораў у мэтавыя бюджэтныя i пазабюджэтныя фонды. Выключэнне складаюць наступныя вiды падаткаў, збораў (пошлiнаў), уплата якiх ажыццяўляецца ў агульным парадку:

— падаткi, зборы (пошлiны), якiя збiраюцца пры ўвозе (вывазе) тавараў на мытную тэрыторыю Беларусi;

— дзяржаўная пошлiна;

— афшорны збор;

— гербавы збор;

— падатак на даходы ад аперацый з каштоўнымi паперамi;

— падатак на набыццё аўтамабiльных транспартных сродкаў;

— абавязковыя страхавыя ўзносы i iншыя адлiчэннi ў фонд сацыяльнай абароны насельнiцтва;

— падатак на дабаўленую вартасць, за выключэннем iндывiдуальных прадпрымальнiкаў, якiя атрымлiваюць валавую выручку ў памеры звыш 450 млн, але не больш 1500 млн рублёў на працягу першых дзевяцi месяцаў года, якi папярэднiчае году, з якога разлiчваюць на яе атрыманне.