Намеснік Старшынi Савета Рэспублiкi Нацыянальнага сходу Рэспублiкi Беларусь Рубінаў Анатоль Мiкалаев

Источник материала:

Нарадзiўся ў 1939 г. у г. Магiлёве.

У 1961 г. закончыў фiзiчны факультэт Беларускага дзяржаўнага ўнiверсiтэта. Пачаў працоўную дзейнасць у Інстытуце фiзiкi Акадэмii навук БССР, дзе прапрацаваў больш як 40 гадоў. Прайшоў шлях ад аспiранта да намеснiка дырэктара па навуковай рабоце Iнстытута фiзiкi НАН Беларусi, выконваў абавязкi акадэмiка-сакратара аддзялення фiзiкi, матэматыкi i iнфарматыкi Акадэмii навук БССР.

У 1965 г. абаранiў кандыдацкую дысертацыю, у 1972 г. — доктарскую. У 1991 г. выбраны акадэмiкам Нацыянальнай акадэмii навук Беларусi.

Аўтар больш як 300 навуковых работ, 4 манаграфiй i 65 вынаходак. Пад кiраўнiцтвам А.М. Рубiнава распрацаваны арыгiнальныя лазерныя прыборы, якiя адзначалiся дыпломамi i медалямi ВДНГ, былi ўдастоены залатога медаля Мiжнароднага Лейпцыгскага кiрмашу.

Адыграў вялiкую ролю ў падрыхтоўцы i атэстацыi кадраў вышэйшай квалiфiкацыi. Падрыхтаваў больш за 30 кандыдатаў i дактароў навук. З 2002 па 2006 г. узначальваў Вышэйшую атэстацыйную камiсiю Рэспублiкi Беларусь. З 2006 па 2008 г. — Першы намеснiк Кiраўнiка Адмiнiстрацыi Прэзiдэнта Рэспублiкi Беларусь.

Заслужаны дзеяч навукi Беларускай ССР (1980). Лаўрэат Дзяржаўнай прэмii СССР (1972) i Дзяржаўнай прэмii Рэспублiкi Беларусь (1994).

Узнагароджаны ордэнам Францыска Скарыны (2000).

Жанаты, мае дваiх дзяцей.

31 кастрычнiка 2008 года выбраны Намеснiкам Старшынi Савета Рэспублiкi Нацыянальнага сходу Рэспублiкi Беларусь чацвёртага склiкання.