Акцыі ключавых прадпрыемстваў Беларусi не будуць прадавацца на льготных умовах i абменьвацца на чэкi

Источник материала:

У Беларусi вызначаны пералiк рэспублiканскiх унiтарных прадпрыемстваў, пры пераўтварэннi якiх у адкрытыя акцыянерныя таварыствы прыналежныя Рэспублiцы Беларусь акцыi не будуць падлягаць продажу на льготных умовах за грашовыя сродкi i абмену на iмянныя прыватызацыйныя чэкi "Маёмасць". Адпаведны ўказ № 605 "Аб некаторых пытаннях прыватызацыi рэспублiканскiх унiтарных прадпрыемстваў" кiраўнiк дзяржавы Аляксандр Лукашэнка падпiсаў 10 лiстапада.

У пералiк увайшлi найбольш эканамiчна значныя для рэспублiкi прадпрыемствы Мiнiстэрства прамысловасцi, Мiнiстэрства энергетыкi, Дзяржаўнага ваенна-прамысловага камiтэта, Беларускага дзяржаўнага канцэрна па нафце i хiмii, якiя знаходзяцца ў рэспублiканскай уласнасцi, уключаныя ў план прыватызацыi на 2008—2010 гады.

Пры гэтым меры эканамiчнага стымулявання рэспублiканскiх унiтарных прадпрыемстваў, уключаных у пералiк, захоўваюць сваё дзеянне ў адносiнах да адкрытых акцыянерных таварыстваў, створаных у працэсе прыватызацыi гэтых прадпрыемстваў.

Як растлумачылi ў прэс-службе, рэалiзацыя палажэнняў указа будзе садзейнiчаць прыцягненню буйных iнвестыцый у ствараемыя адкрытыя акцыянерныя таварыствы.

Дакумент уступае ў сiлу з дня яго афiцыйнага апублiкавання.