Самсонаў — бронзавы прызёр Суперкубка

Источник материала:

Беларус Уладзiмiр Самсонаў стаў бронзавым прызёрам розыгрышу Суперкубка Еўропы-2008 па настольным тэнiсе, якi праходзiў у падмаскоўным горадзе Вiднае. У паядынку за трэцяе месца наш суайчыннiк нанёс паражэнне шведу Ёргену Персану з лiкам 4:2. У вырашальным матчы нямецкi тэнiсiст Цiма Боль абгуляў аўстрыйца Вернера Шлагера — 4:1, i ў другi раз стаў уладальнiкам кантынентальнага Суперкубка. Год таму Цiма Боль у фiнале першага розыгрышу выйграў у Самсонава.

У лiстападаўскiм рэйтынгу Мiжнароднай федэрацыi футбола (ФІФА) зборная Беларусi апусцiлася з 59-га на 64-е, пры гэтым колькасць набраных ёй ачкоў зменшылася на 15 i цяпер складае 507. З моманту публiкацыi кастрычнiцкага рэйтынгу зборная правяла адну гульню — 15 кастрычнiка прайграла ў Мiнску зборнай Англii ў матчы адборачнага турнiру чэмпiянату свету 2010. Найвышэйшым дасягненнем каманды за ўсю яе гiсторыю застаецца 57-е месца, якое зборная Беларусi займала з чэрвеня па верасень гэтага года. У тройцы лiдараў лiстападаўскага рэйтынгу Iспанiя (1.657), Германiя (1.413), Iталiя (1.356).

У чэмпiянаце Беларусi па футболе сярод камандаў вышэйшай лiгi адбыўся перанесены матч 25-га тура памiж магiлёўскiм "Савiтам" i барысаўскiм БАТЭ. БАТЭ, якi датэрмiнова стаў пяцiразовым чэмпiёнам краiны, перамог сапернiка, якi выбывае ў першую лiгу, з лiкам 1:0 (Сiвакоў, 36, з пенальцi).

Пасля амаль двухтыднёвага перапынку 12 лiстапада аднавiўся Адкрыты чэмпiянат Беларусi па хакеi. Лiдар першынства мiнскае "Юнацтва" атрымала восьмую перамогу запар, абгуляўшы на сваёй пляцоўцы "Гомель", якi iдзе на другiм месцы, — 4:1. Дзеючы чэмпiён сталiчны "Керамiн" разграмiў у сталiцы Латвii "Рыгу-2000" — 6:0. Астатнiя вынiкi: "Нёман"(Гродна) — "Металургс" (Лiепая) — 1:2, "Хiмвалакно" (Магiлёў) — "Металург" (Жлобiн) — 4:3, "Брэст" — "Агрэ" — 3:4. Турнiрную таблiцу ўзначальвае "Юнацтва" (55 ачкоў), на другiм месцы "Гомель" (47), трэцяе "Хiмвалакно" (44).

Маскоўскi "Лакаматыў" у хуткiм часе можа папоўнiцца паўабаронцам Антонам Пуцiла, якi выступае за "Гамбург". 21-гадовы гулец зборнай Беларусi, тэрмiн арэнды якога ў "Гамбургу" заканчваецца 31 снежня i працягвацца не будзе, знаходзiцца ў маскоўскiм клубе на праглядзе. Правы на Пуцiлу належаць мiнскаму "Дынама".