Паважаныя працаўнікi аграпрамысловага комплексу!

Источник материала:

У гэтым годзе земляробамi рэспублiкi сабраны рэкордны ўраджай збожжа i рапсу, добры ўраджай лёну, цукровых буракоў, агароднiны, створана трывалая кармавая база. Устойлiва павялiчваецца вытворчасць прадукцыi жывёлагадоўлi, стабiльна развiваецца перапрацоўчая прамысловасць. Надзейна гарантавана харчовая бяспека краiны, нарошчваецца экспарт беларускiх прадуктаў харчавання. I дабiлiся вы гэтых дасягненняў у перыяд сусветнага харчовага i фiнансавага крызiсу.

У аснове высокiх вынiкаў ляжыць сапраўды самаадданая праца ўсiх работнiкаў i ветэранаў сельскагаспадарчай вытворчасцi, перапрацоўчых i абслуговых арганiзацый, вучоных-аграрыяў.

Выказваю вам вялiкую ўдзячнасць за адданасць сваёй справе, клапатлiвае i беражлiвае вядзенне работ на роднай зямлi, за важкi ўклад ва ўмацаванне эканомiкi i незалежнасцi нашай дзяржавы.

Упэўнены, што i ў далейшым вы будзеце прымнажаць дасягнутае, працаваць з поўнай аддачай.

Жадаю вам i вашым сем’ям добрага здароўя, шчасця, новых працоўных перамог у iмя любiмай Радзiмы.