Аляксандр Лукашэнка: "Беларусь і Азербайджан будуць нарошчваць супрацоўнiцтва"

Источник материала:

У Беларусi i Азербайджана няма закрытых тэм для супрацоўнiцтва, заявiў Прэзiдэнт Беларусi Аляксандр Лукашэнка 14 лiстапада на сустрэчы з мiнiстрам абароны Азербайджана Сафарам Абiевым.

Аляксандр Лукашэнка падкрэслiў, што ў Беларусi i Азербайджана склалiся дружалюбныя адносiны: "Добра, што мы выбудоўваем нашы адносiны, нягледзячы нi на што. Мы сябруем не супраць некага, не супраць некага выбудоўваем адносiны. Мы сябры, i гэтым усё сказана. У гэтым напрамку мы i будзем дзейнiчаць".

Беларусь i Азербайджан маюць трывалую нарматыўна-прававую базу. Гэта садзейнiчае нарошчванню аб’ёмаў двухбаковага гандлю. Прэзiдэнт адзначыў дадатную дынамiку тавараабароту памiж дзвюма краiнамi. У 2007 годзе ён павялiчыўся амаль у тры разы ў параўнаннi з 2006 годам, а за 8 месяцаў гэтага года вырас на 45 працэнтаў у параўнаннi з аналагiчным перыядам 2007 года i склаў $79 млн. З 2007 года рэалiзуюцца сумесныя праекты. У Азербайджане створаны зборачныя вытворчасцi трактароў, грузавых аўтамабiляў, аптычных прыбораў. Арганiзуецца сумесны выпуск лiфтаў, пад’ёмных аўтакранаў, сонечных батарэй i iншай прадукцыi беларускiх марак. У цэлым, як сказаў кiраўнiк дзяржавы, "справы пайшлi нядрэнна".

У Беларусi i Азербайджана няма разыходжанняў на мiжнароднай арэне. Абедзве краiны на ўзаемавыгаднай аснове супрацоўнiчаюць у мiжнародных арганiзацыях, аказваючы адна адной падтрымку па прынцыповых пытаннях. Па большасцi аспектаў, у тым лiку па найбольш важных напрамках работы ААН, пазiцыi бакоў супадаюць.

Аляксандр Лукашэнка павiншаваў азербайджанцаў з паспяховым правядзеннем нядаўнiх прэзiдэнцкiх выбараў i падкрэслiў, што ў яго даўнiя дружалюбныя адносiны з цяперашнiм Прэзiдэнтам Ільхамам Алiевым. "Перадайце мае самыя добрыя i цёплыя вiншаваннi Iльхаму Алiеву з перамогай на прэзiдэнцкiх выбарах. Вы правялi блiскучую палiтычную кампанiю, тут нават унiклiвым заходнiкам не было чаго сказаць i чым папракнуць", — сказаў кiраўнiк дзяржавы.

У сваю чаргу мiнiстр абароны Азербайджана адзначыў, што адносiны дзвюх краiн "iдуць па ўзыходнай".