Беларусь лічыць недапушчальным узвядзенне новых "берлiнскiх сцен" у еўрапейскiм рэгiёне

Источник материала:

"Упэўнены, што некалькi гадоў таму Еўрапейскi саюз зрабiў вялiкую памылку, адмовiўшыся ад iдэi "пашыранай Еўропы", — сказаў Уладзiмiр Макей. — Балюча бачыць, як перад глабальнымi пагрозамi частка Еўропы быццам бы закрываецца на ключ ад другой яе часткi".

Паводле яго слоў, такая фiласофiя згубная перш за ўсё для краiн Еўрасаюза, таму што яна рэзка знiжае магчымасцi практычнай пабудовы на кантыненце выразнай палiтыкi. "Нам трэба рэанiмаваць лозунг аб будаўнiцтве агульнаеўрапейскага дома", — упэўнены Уладзiмiр Макей.

Кiраўнiк Адмiнiстрацыi Прэзiдэнта Беларусi падкрэслiў, што блокавая свядомасць вядзе толькi да з’яўлення новых культурных, цывiлiзацыйных, рэлiгiйных i эканамiчных межаў. Апошнiм часам таксама актывiзавалася тэндэнцыя да з’яўлення новых абаронных межаў. "Можна са шкадаваннем канстатаваць, што ўрокi халоднай вайны не былi ўспрыняты многiмi еўрапейскiмi палiтыкамi", — сказаў Уладзiмiр Макей.

Ён лiчыць, што на форуме будзе дарэчы дыскусiя аб своеасаблiвым еўрапейскiм эгаiзме, якi праяўляецца ў нежаданнi заходнееўрапейскiх дзяржаў "прыпадняць шэнгенскую жалезную заслону". Паводле пераканання кiраўнiка Адмiнiстрацыi Прэзiдэнта, нявырашанае вiзавае пытанне — гэта не прыватная праблема, а ключавое пытанне беларуска-еўрапейскiх адносiнаў. "Давайце сумеснымi намаганнямi зробiм тое, што пайшло б на карысць перш за ўсё простаму чалавеку, простаму еўрапейскаму грамадзянiну", — падкрэслiў Уладзiмiр Макей.

Беларуская дзяржава заўсёды з увагай прыслухоўваецца да замежнай крытыкi. Аднак, на думку Уладзiмiра Макея, заходнiм палiтыкам трэба ўлiчваць гiстарычныя i нацыянальныя асаблiвасцi фармiравання дэмакратыi ў Беларусi. "Цяпер мы з задавальненнем адзначаем, што нашы заходнiя партнёры пачынаюць разумець бесперспектыўнасць палiтыкi iзаляцыi Беларусi", — сказаў кiраўнiк Адмiнiстрацыi Прэзiдэнта.