Маючыя патрэбу ў паляпшэнні жыллёвых умоў змогуць атрымаць зямельныя ўчасткi без аўкцыёнаў

Источник материала:

Маючыя патрэбу ў паляпшэнні жыллёвых умоў змогуць атрымаць зямельныя ўчасткi без аўкцыёнаў

Аб механiзмах стымулявання развiцця iндывiдуальнага будаўнiцтва жылля вялася гаворка на пасяджэннi "круглага стала" ў грамадскiм прэс-цэнтры Дома прэсы.

Летась у краiне было пабудавана 1 млн 780 тыс. кв. метраў iндывiдуальнага жылля, а за 9 месяцаў сёлета ўзведзена амаль 1,5 млн кв. метраў такога жылля, паведамiў журналiстам начальнiк упраўлення жыллёвага будаўнiцтва Мiнiстэрства архiтэктуры i будаўнiцтва Аляксандр Горваль.

Летась па лiнii iндывiдуальнага будаўнiцтва жылля грамадзянам было прадастаўлена 7200 зямельных участкаў, у тым лiку для "чаргавiкоў" — каля 5 тысяч надзелаў. А вось сёлета тэмпы прадастаўлення зямельных участкаў для будаўнiцтва iндывiдуальнага жылля iстотна знiзiлiся. Аляксандр Горваль лiчыць, што сёлетняе знiжэнне актыўнасцi патэнцыяльных забудоўшчыкаў звязана з тым, што для тых, хто не мае патрэбы ў паляпшэннi жыллёвых умоў, участкi сёння неабходна набываць выключна на аўкцыёнах, а таксама з тым, што большасць участкаў, што прапануюцца, знаходзiцца ў не заўсёды лiквiдных раёнах i часта з неразвiтой iнфраструктурай.

Развiццё новых раёнаў перспектыўнай жыллёвай забудовы вырашаецца шляхам будаўнiцтва на гэтых тэрыторыях iнжынерна-транспартнай iнфраструктуры. Сёлета з бюджэтаў усiх узроўняў накiравана на развiццё iнфраструктуры 750 млрд рублёў, з якiх за 9 месяцаў года ўжо рэалiзавана 93 працэнты фiнансавых сродкаў. Вiдавочна, што цяпер на гэтыя мэты трэба шукаць дадатковае фiнансаванне.

Каб больш актыўна развiвалася iндывiдуальнае будаўнiцтва, зацiкаўленымi мiнiстэрствамi прапануецца ажыццявiць дэмакратызацыю падыходаў выдзялення зямельных участкаў насельнiцтву. Паводле меркаванняў спецыялiстаў Мiнбудархiтэктуры, аўкцыённы продаж участкаў iстотна затармазiў працэс атрымання зямлi "жыллёвым iндывiдуалам", таму прапануецца адмовiцца ад аўкцыёнаў для ўсiх катэгорый грамадзян, пакiнуўшы iх толькi для вострадэфiцытных тэрыторый у сталiцы i абласных цэнтрах, дзе iснуе перспектыва буйной забудоўлi. На iншых тэрыторыях прапануецца даваць участкi бясплатна цi па кадастравым кошце.

Намеснiк начальнiка ўпраўлення землеўпарадкавання i дзяржаўнага кантролю за аховай i выкарыстаннем зямель Дзяржаўнага камiтэта па маёмасцi Беларусi Ігар Петрусенка пацвердзiў, што спецыялiстамi камiтэта падрыхтаваны прапановы па ўнясеннi змяненняў i дапаўненняў ва Указ № 667. Новаўвядзеннi дазваляюць маючым патрэбу ў паляпшэннi жыллёвых умоў набываць зямельныя ўчасткi для будаўнiцтва iндывiдуальных жылых дамоў на выбар: або ў пажыццёвае валоданне з правам перадачы ў спадчыну, ва ўласнасць цi ў арэнду. Прадастаўленне зямельных участкаў у пажыццёвае валоданне з правам перадачы ў спадчыну прапануецца ажыццяўляць бясплатна. Улiчваючы той факт, што перадача ва ўласнасць i арэнду зямельных участкаў з’яўляецца платным правам, то зямлю ў гэтых выпадках прапануецца прадастаўляць па кадастравым кошце. А вось для нечаргавiкоў павiнен захавацца прынцып аўкцыённага продажу i перадачы зямельных участкаў у арэнду.

пацвердзiў, што спецыялiстамi камiтэта падрыхтаваны прапановы па ўнясеннi змяненняў i дапаўненняў ва Указ № 667. Новаўвядзеннi дазваляюць маючым патрэбу ў паляпшэннi жыллёвых умоў набываць зямельныя ўчасткi для будаўнiцтва iндывiдуальных жылых дамоў на выбар: або ў пажыццёвае валоданне з правам перадачы ў спадчыну, ва ўласнасць цi ў арэнду. Прадастаўленне зямельных участкаў у пажыццёвае валоданне з правам перадачы ў спадчыну прапануецца ажыццяўляць бясплатна. Улiчваючы той факт, што перадача ва ўласнасць i арэнду зямельных участкаў з’яўляецца платным правам, то зямлю ў гэтых выпадках прапануецца прадастаўляць па кадастравым кошце. А вось для нечаргавiкоў павiнен захавацца прынцып аўкцыённага продажу i перадачы зямельных участкаў у арэнду.

Галоўны эканамiст аддзела ўпраўлення рэгулявання крэдытна-фiнансавых iнструментаў галоўнага ўпраўлення рэгулявання банкаўскiх аперацый Нацыянальнага банка Беларусi Сяргей Анцi паведамiў журналiстам, што апошнiм часам многiя банкi краiны павышаюць працэнтныя стаўкi па крэдытах для насельнiцтва. Так, па рублёвых крэдытах на будаўнiцтва, набыццё i рэканструкцыю жылля працэнтныя стаўкi вагаюцца ад 16 да 23, а па валютных крэдытах — ад 14 да 17 працэнтаў. Чаму так адбываецца? Справа ў тым, што сёння ў камерцыйных банкаў не хапае фiнансавых рэсурсаў. Спецыялiст Нацбанка запэўнiў, што цяпер галоўны банк краiны ажыццяўляе шэраг мерапрыемстваў па пошуку для банкаў танных рэсурсаў на мэты жыллёвага крэдытавання насельнiцтва, у прыватнасцi, праз механiзм павелiчэння статутных фондаў банкаў i прыцягвання недарагiх замежных iнвестыцый.

паведамiў журналiстам, што апошнiм часам многiя банкi краiны павышаюць працэнтныя стаўкi па крэдытах для насельнiцтва. Так, па рублёвых крэдытах на будаўнiцтва, набыццё i рэканструкцыю жылля працэнтныя стаўкi вагаюцца ад 16 да 23, а па валютных крэдытах — ад 14 да 17 працэнтаў. Чаму так адбываецца? Справа ў тым, што сёння ў камерцыйных банкаў не хапае фiнансавых рэсурсаў. Спецыялiст Нацбанка запэўнiў, што цяпер галоўны банк краiны ажыццяўляе шэраг мерапрыемстваў па пошуку для банкаў танных рэсурсаў на мэты жыллёвага крэдытавання насельнiцтва, у прыватнасцi, праз механiзм павелiчэння статутных фондаў банкаў i прыцягвання недарагiх замежных iнвестыцый.

Сяргей Анцi ўдакладнiў, што па лiнii льготнага крэдытавання будаўнiцтва жылля аб’ём фiнансавання на 2009 год застаецца ў раней запланаваных памерах. Увогуле праграма будаўнiцтва жылля ў нашай краiне застаецца прыярытэтным напрамкам i будзе i надалей фiнансавацца ў поўным аб’ёме, паведамiў спецыялiст Нацбанка.