У Беларусі занепакоеныя "мiтуснёй" Расii па пытаннi развiцця Саюзнай дзяржавы

Источник материала:

Як паведамiла карэспандэнту агенцтва "Інтэрфакс-Захад" крынiца ў блiжэйшым акружэннi Прэзiдэнта Беларусi Аляксандра Лукашэнкi, якая пажадала застацца неназванай, у Мiнску "занепакоены "мiтуснёй" расiйскага боку па пытаннi развiцця Саюзнай дзяржавы". "Беларусь заўсёды была i будзе гатовая ў любы час i ў любым фармаце — няхай гэта будзе сустрэча ў форме адзiн на адзiн або пасяджэнне Вышэйшага Дзяржсавета Саюза — абмяркоўваць любыя пытаннi, звязаныя з саюзным будаўнiцтвам", — падкрэслiла крынiца.

Суразмоўца агенцтва нагадаў, што 22 чэрвеня ў Брэсце i 25 кастрычнiка ў Маскве памiж лiдарамi дзвюх дзяржаў была "дасягнутая дакладная i канкрэтная дамоўленасць аб наданнi новага iмпульсу саюзнаму будаўнiцтву, зыходзячы з геапалiтычных умоў, якiя складваюцца". "Зыходзячы менавiта з гэтых дамоўленасцяў, беларускi бок прапанаваў пашырыць "руцiнны" парадак дня пасяджэння Вышэйшага Дзяржсавета праектамi найважнейшых рашэнняў у палiтычнай, эканамiчнай i ваеннай сферах. Расiйскi бок адмовiўся абмяркоўваць гэтыя пытаннi на пасяджэннi Вышэйшага Дзяржсавета i прапанаваў разгледзець праекты дакументаў у закрытым фармаце.

Беларускi бок пагадзiўся i гатовы быў гэта зрабiць.

Аднак у апошнi момант Крэмль адмовiўся ад раней дасягнутых дамоўленасцяў i даў згоду на правядзенне пасяджэння Вышэйшага Дзяржсавета выключна па "руцiнным" парадку дня, якi, да слова сказаць, не быў цалкам узгоднены", — адзначыў высокапастаўлены прадстаўнiк Беларусi.

"Падобная "мiтусня" проста незразумелая. Беларусь гатовая да сустрэч у любых фарматах. Але важна правядзенне гэтых сустрэч, уключаючы пасяджэнне Вышэйшага Дзяржсавета, не "для галачкi", не для ВДС як такога, а для рэальнага развiцця Саюза. Як гаворыць прэм’ер-мiнiстр Расii Уладзiмiр Пуцiн, патрэбна "субстантыўнае абмеркаванне пытанняў", — падкрэслiў суразмоўца агенцтва.

Прадстаўнiк беларускага кiраўнiцтва заявiў таксама аб гатоўнасцi апублiкаваць "усю папярэднюю самiту, якi не адбыўся, службовую перапiску памiж Мiнскам i Масквой, з якой усё стане зразумелым".

Каментуючы тлумачэннi ананiмнай крынiцы ў Крамлi, якiя з’явiлiся ў друку, аб прычынах пераносу сустрэчы прэзiдэнтаў дзвюх краiн, прадстаўнiк Беларусi заявiў, што расцэньвае iх "як дэзынфармацыю".