КДК Беларусі выявiў парушэннi ва ўсiх 17 правераных рыэлтарскiх арганiзацыях

Источник материала:

У некаторых арганiзацыях зафiксаваны факты несвоечасовай выплаты зарплаты. Пры гэтым у дзесяцi (58,8 працэнта) сярэднямесячная зарплата работнiкаў у 2008 годзе склала менш як Br390 тыс. У большасцi правераных суб’ектаў гаспадарання выяўлена значная колькасць скасаваных без аплаты дагавораў на аказанне рыэлтарскiх паслуг. Як адзначылi ў КДК, невысокi ўзровень аплаты працы работнiкаў арганiзацый i нездавальняючыя фiнансавыя вынiкi iх работы (у 2008 годзе амаль палавiна правераных суб’ектаў маюць страты) ставяць пад сумненне праўдзiвасць адлюстравання ва ўлiку фактычна аказваемых паслуг. Гэтыя факты таксама даюць падставы меркаваць, што асобныя фiрмы не звяртаюць увагi на новую сiстэму аплаты рыэлтарскiх паслуг i па-ранейшаму ўтойваюць выручку, якую атрымлiваюць. На думку прадстаўнiкоў Камiтэта дзяржкантролю, адным з фактараў, якi стрымлiвае рэальнае адлюстраванне выручкi, з’яўляецца адсутнасць заканадаўчай нормы, што дазваляе адносiць на затраты ўзнагароджаннi рыэлтарам i агентам па аперацыях з нерухомай маёмасцю, якiя выплачваюцца ў працэнтах ад паступiўшай выручкi за аказаныя паслугi.

За выяўленыя парушэннi суб’екты прадпрымальнiцкай дзейнасцi i вiнаватыя службовыя асобы прыцягнуты да адмiнiстрацыйнай адказнасцi на агульную суму Br31,8 млн. Цяпер разглядаецца пытанне аб прыцягненнi да адмiнiстрацыйнай адказнасцi 6 рыэлтарскiх арганiзацый i iх службовых асобаў.