Адзiная вартасць — таннасць

Источник материала:

Аляксандр Кравец, г Мiнск:

— Беларускае пiва звычайна моцнае, салодкае i вельмi падобнае на квас. Таму асабiста мне яно не падабаецца. "Алiварыя "Экстра" i "Белае золата" яшчэ можна пiць. Раней было нядрэнным "Нiкалаеўскае "Пiлснер", таксама беларускае, аднак апошнiм часам яго не вiдаць. Аддаю перавагу чэшскаму "Козел", падабаецца "Хью Гардэн" — белае бельгiйскае, аднак яно ў разы даражэйшае за беларускае. Галоўная вартасць беларускага пiва — яго таннасць... Увогуле традыцыйныя гатункi пiва, якiя вырабляюць беларускiя вытворцы, надакучваюць. Хочацца чагосьцi новага, i тыя ж расiйскiя вытворцы прапануюць, напрыклад, маладое "Тубарг Грын", "Неўскае "Асе" — вымаражанае цi халоднай фiльтрацыi. "Алiварыя", дарэчы, таксама iмкнулася зрабiць нешта падобнае, не ведаю, цi атрымалася...

Пiва, здольнае падоўжыць чалавечае жыццё, iснуе. Ёсць толькi адно "але". Яно жудаснае на смак.

Пiва з гучнай назвай "BiоBееr" (бiя-пiва) зрабiлi, як i абяцалi, студэнты Тэхаскага ўнiверсiтэта. У лячэбных мэтах яны ўвялi ў пенiсты напой спецыяльныя пiўныя дрожджы, якiя ўтрымлiваюць рэзвератрол. Гэта — моцны антыаксiдант, якi ўтрымлiваецца ў цёмным вiнаградзе i чырвоным вiне i дапамагае змагацца са свабоднымi радыкаламi. Вучоныя лiчаць, што менавiта яны адказныя за старэнне. Рэзвератрол таксама прадухiляе ўзнiкненне сардэчна-сасудзiстых захворванняў, дыябету, раку i хваробы Альцгеймера.