Набожнасць уплывае на ўспрыняцце нанатэхналогій

Источник материала:

Аналiз паказаў, што чым больш рэлiгiйнае ў цэлым насельнiцтва краiны, тым больш негатыўна яно ўспрымае нанатэхналогii. У дзяржавах, дзе рэлiгiя адыгрывае менш iстотную ролю, стаўленне да прыладаў i рэчываў з прыстаўкай "нана" было больш прыхiльным.

Самай рэлiгiйнай краiнай аўтары даследавання прызналi ЗША. Адпаведна, у Штатах было зафiксавана большае непрыняцце нанатэхналогiй, чым у iншых краiнах. Лепш за ўсё да новага напрамку ў навуцы i тэхнiцы ставяцца жыхары менш рэлiгiйных Бельгii i Нiдэрландаў.

Вучоныя лiчаць, што набожнасць стварае нейкi фiльтр, праз якi людзi прапускаюць усю новую iнфармацыю. У вынiку яны ўспрымаюць яе шмат у чым iнакш, чым атэiсты.

Апытанне амерыканцаў паказала, што калi чалавек негатыўна ставiцца да такiх з’яў сучаснай рэчаiснасцi як, напрыклад, iнтэрнэт, генетычна мадыфiкаваныя арганiзмы i ядзерная зброя, то ён з высокай верагоднасцю выкажа непрыняцце да нанатэхналогiй.

Аўтары работы лiчаць, што яе вынiкi даказваюць неабходнасць распрацоўкi розных падыходаў да падачы iнфармацыi аб нанатэхналогiях для розных катэгорый людзей.