Главная
Гороскопы
Ванну з кухні ўсё ж давядзецца прыбраць...
Ванну з кухні ўсё ж давядзецца прыбраць...
Аляксандр Паўлавiч Лычкоўскi наракаў па "гарачай лiнii" на праблемы, што ўзнiклi ў яго 82-гадовай мацi. Жыхарцы вёскi Чарнiчная Капыльскага раёна Марыi Аляксандраўне перасталi вазiць газ у балонах. Праблема ўзнiкла з-за таго, што газавая плiта знаходзiлася ў адным памяшканнi з ваннай, а гэта забаронена ў мэтах бяспекi — раптам уцечка? Выкiнуць ванну не было як, тлумачыў заяўнiк, бо дзе тады памыцца старому чалавеку ("Звязда" ад 18 снежня). Рашэнне аб прыпыненнi забеспячэння домаўладання газам у балонах было вельмi хутка адменена, пра што нам паведамiў начальнiк цэха прыроднага i звадкаванага газу Капыльскага раёна Юрый Сяргееў. Але саму праблему, пра якую распавёў сын жанчыны, усё адно трэба было вырашаць. Юрый Аляксеевiч паабяцаў, што да жанчыны выедзе брыгада газавiкоў, пытанне будзе абмеркавана на месцы, абавязкова будзе выслухана сама гаспадыня. — Нашы спецыялiсты, як i было абяцана, выязджалi па названым адрасе. Высветлiлася, што гаспадыня там пакуль не пражывае, яе на зiмовы час забiраюць да сябе дзецi. Гаспадарыць у доме зараз фактычна яе сын, якi звяртаўся да вас, — патлумачыў праз некалькi дзён Юрый Сяргееў. — Яму загадана прыбраць з памяшкання ванну, паколькi ад пераносу газавай плiты ён адмовiўся. У апошнiм выпадку гэта магло быць зроблена ў тым лiку i за наш кошт. Газам у балонах, нагадаю яшчэ раз, домаўладанне пакуль забяспечваецца. Сяргей РАСОЛЬКА.
Чтобы разместить новость на сайте или в блоге скопируйте код:
На вашем ресурсе это будет выглядеть так
Аляксандр Паўлавiч Лычкоўскi наракаў па "гарачай лiнii" на праблемы, што ўзнiклi ў яго 82-гадовай мацi. Жыхарцы вёскi Чарнiчная Капыльскага
|
|