Населены пункт — адзiн

Источник материала:

Прыняцце рашэння аб зносе жылых дамоў у сувязi з адабраннем зямельных участкаў для дзяржаўных патрэбаў згодна з арт. 20 Жыллёвага кодэкса Рэспублiкi Беларусь знаходзiцца ў кампетэнцыi абласных i Мiнскага гарадскога выканаўчых камiтэтаў.

Згодна з артыкулам 105 Жыллёвага кодэкса Рэспублiкi Беларусь, калi грамадзянiну на праве ўласнасцi належыць жылое памяшканне, якое знаходзiцца ў шматкватэрным жылым доме, i гэты дом (жылое памяшканне) знаходзiцца ў аварыйным стане або пагражае абвалам, падлягае пераабсталяванню ў нежылы або зносу ў сувязi з адабраннем зямельнага ўчастка для дзяржаўных патрэбаў, то прадпрыемствам, установай, арганiзацыяй, якiм адводзiцца зямельны ўчастак альбо прызначаецца жылы дом (жылое памяшканне), якi падлягае пераабсталяванню, даецца гэтаму грамадзянiну сумесна з членамi яго сям’i ва ўласнасць жылое памяшканне, раўнацэннае па добраўпарадкаваннi i агульнай плошчы не меншае за жылое памяшканне, якое займалася раней. Жылое памяшканне, якое даецца, павiнна знаходзiцца ў межах тэрыторыi гэтага населенага пункта. Замест жылога памяшкання, па жаданнi грамадзянiна, яму можа быць выплачана грашовая кампенсацыя за належнае на праве ўласнасцi жылое памяшканне. Памер кампенсацыi вызначаецца на падставе заключэння экспертызы аб кошце жылога памяшкання.

Нярэдка ва ўласнiкаў, якiя перасяляюцца ў iншыя жылыя памяшканнi, узнiкаюць пытаннi ў частцы ўзроўню добраўпарадкавання кватэр, якiя даюцца ва ўласнасць замест ранейшага жылля. Нарматыўнае патрабаванне адно: жыллё, якое даецца, павiнна быць раўнацэнным ранейшаму i па добраўпарадкаванасцi. Па метадалогii Мiнiстэрства статыстыкi i аналiзу пад добраўпарадкаванасцю жыллёвага фонду разумеецца яго забеспячэнне водаправодам, каналiзацыяй, цэнтральным ацяпленнем, ваннамi (душам), газам (уключаючы вадкi), гарачай вадой, напольнымi плiтамi.

Вызначэнне паняцця "добраўпарадкаванае жыллё" дадзена i ў Дзяржаўным стандарце Рэспублiкi Беларусь СТБ 1154-99 "Жыллё. Асноўныя палажэннi". Гэта — жылое памяшканне, забяспечанае гаспадарча-пiтным i гарачым водазабеспячэннем, каналiзацыяй, ацяпленнем i вентыляцыяй, радыёфiкацыяй, электраасвятленнем ад цэнтралiзаваных, мясцовых або iндывiдуальных сiстэм з выкарыстаннем традыцыйных або альтэрнатыўных крынiц, абсталяванае газавай або электрычнай напольнымi плiтамi, санблокам.

Пытаннем аб дачы жылля ў цэнтры горада або паблiзу дома, якi зносiцца, у прынцыпе можа быць разгледжана i вырашана станоўча пры наяўнасцi ў горадзе такой магчымасцi. Агульнае ж патрабаванне змяшчаецца ў артыкуле 73 ЖК — жылое памяшканне, якое даецца грамадзянам у сувязi з высяленнем, павiнна знаходзiцца ў межах дадзенага населенага пункта.