Як перажыць няпросты час?

Источник материала:

Як патлумачылi карэспандэнту "Звязды" ў Мiнiстэрстве працы i сацыяльнай абароны, аддзяленнi кругласутачнага знаходжання пры тэрытарыяльных цэнтрах ствараюцца для часовага пражывання непрацаздольных грамадзян, якiм цяжка абслугоўваць сябе самастойна. Прычым звычайна попыт у пенсiянераў i iнвалiдаў на падобныя аддзяленнi ўзрастае зiмой.

Варта заўважыць, што непрацаздольныя грамадзяне знаходзяцца ў кругласутачных аддзяленнях на поўным забеспячэннi. Адсюль умова — кошт пражывання складае 80 працэнтаў пенсii. Плюс да таго, у аддзяленнi прымаюцца грамадзяне, якiя не маюць медыцынскiх супрацьпаказанняў — цяжкiх, iнфекцыйных, псiхiчных, венерычных i некаторых iншых захворванняў.

Гэтыя падыходы з’яўляюцца па сутнасцi адзiнымi для ўсёй краiны. Iншыя ж правiлы вызначаюцца непасрэдна ў рэгiёнах. У прыватнасцi, паводле слоў дырэктара тэрытарыяльнага цэнтра сацыяльнага абслугоўвання Талачынскага раёна Галiны Курак, з прычыны вялiкага попыту зараз перавага ў прыёме ў аддзяленне кругласутачнага знаходжання аддаецца ветэранам вайны, а таксама адзiнокiм пенсiянерам i iнвалiдам. Вызначаны i максiмальны тэрмiн пражывання — да 6 месяцаў. Зрэшты, заўважыла Галiна Курак, тут ёсць свае выключэннi — з улiкам сiтуацыi некаторыя жыхары раёна застаюцца ў аддзяленнi больш працяглы час.