Дарога расчараванняў

Источник материала:

На экраны выйшла прэм’ера расiйскага фiльма "Морфiй", знятага Аляксеем Балабанавым, паводле сцэнарыя Сяргея Бадрова-малодшага, у якiм у адну сюжэтную лiнiю аб’яднаны "Запiскi юнага лекара" i аповесць "Морфiй" Мiхаiла Булгакава. Дзеянне адбываецца ў рэвалюцыйным 1917 годзе.

...У павятовы горад прыязджае малады лекар Палякоў. Ён "падсаджваецца" на морфiй, i рэальнасць перастае яго хваляваць. Цi ёсць гэта выйсце са складанай жыццёвай сiтуацыi?..

У ролях занятыя Леанiд Бiчэвiн, Інгеборга Дапкунайтэ, Андрэй Панiн, Сяргей Гармаш.

Стужка маладога расiйскага рэжысёра Валерыi Гай Германiкi "Усе памруць, а я застануся" ўжо заслужыла частку ўвагi — спецыялiстаў, атрымаўшы два прызы Канскага фестывалю-2008: спецыяльнае згадванне журы ў конкурсе "Асаблiвы погляд" i моладзевы прыз "Тыднi крытыкi".

Фiльм закранае некалькi дзён жыцця падлеткаў. Першая ў новым навучальным годзе школьная дыскатэка — галоўная падзея для дзевяцiкласнiц Кацi, Вiкi i Жанны. I ў гэты доўгачаканы вечар будзе шмат нечаканасцяў i кожную з гераiнь чакае яшчэ адзiн удар лёсу — той самы, пасля якога заканчваецца дзяцiнства i пачынаецца дарослае жыццё. У галоўных ролях: Палiна Фiланенка, Агнiя Кузняцова, Вольга Шувалава, Аляксей Багдасараў.

"Стартаваў" новы фiльм "Мсцiвец" кiнамайстроў ЗША. Аднаму з галоўных герояў, Дэнi Кольту, вядомаму ўсяму гораду як "Дух", давядзецца змагацца з псiхапатам-навукоўцам па мянушцы Васьмiног. Навуковец забiвае кожнага, хто ўбачыць яго твар.

Рэжысёр Фрэнк Мiлер. У ролях: Сэмюэль Л. Джэксан, Скарлет Ёхансан, Ева Мендэс, Джэймi Кiнг i iншыя.

29 студзеня адбудзецца прэм’ера драмы "Дарога змен". Кiнематаграфiсты ЗША зноў аб’ядналi акцёраў Леанарда ды Капрыа i Кейт Уiнслет. У фiльме яны муж i жонка, якiя выхоўваюць дваiх дзяцей. Пад знешняй самаўпэўненасцю яны хаваюць пачуццё глыбокага расчаравання ў сваiх узаемаадносiнах i кар’ерах.

Рэжысёр Сэм Мендэс. Сцэнарый Джасцiна, створаны паводле рамана Рычард Ейтса.

Прыемнага прагляду!