Стыпендыі Прэзiдэнта Беларусi назначаны 98 таленавiтым маладым вучоным

Источник материала:

Стыпендыятамi сталi 98 чалавек, сярод якiх 11 дактароў навук ва ўзросце да 45 гадоў, 55 кандыдатаў навук да 35 гадоў i 32 маладыя вучоныя без ступенi, якiм не споўнiлася яшчэ 30 гадоў.

Вучоныя, якiм назначаны стыпендыi Прэзiдэнта, паказалi сябе як маладыя лiдары беларускай навукi, здольныя ставiць i вырашаць складаныя навуковыя задачы. Імi выкананы вялiкi аб’ём даследчых работ па актуальных для краiны напрамках. Атрыманыя вынiкi запатрабаваны ў рэальным сектары эканомiкi.

Напрыклад, па вынiках даследаванняў намеснiка дырэктара дзяржаўнай установы "Рэспублiканскi навукова-практычны цэнтр анкалогii i медыцынскай радыялогii iмя М.М. Аляксандрава" доктара медыцынскiх навук Сяргея Краснага ўпершыню распрацаваны, замацаваны патэнтамi (сямю) i ўкаранёны ў клiнiчную практыку новыя метады лячэння анкаўралагiчных хворых. Распрацаваная загадчыкам лабараторыi дзяржаўнай навуковай установы "Iнстытут лесу Нацыянальнай акадэмii навук Беларусi" доктарам бiялагiчных навук Уладзiмiрам Падутавым сiстэма мерапрыемстваў уключана ў Стратэгiчны план развiцця лясной гаспадаркi Рэспублiкi Беларусь i Праграму захавання генетычных рэсурсаў i развiцця селекцыйнага насенняводства на перыяд да 2015 года.

Памер выплат для дактароў навук складзе Br1 562 400, для кандыдатаў навук — Br1 171 800, для маладых вучоных без ступенi — Br976 500 у месяц.

Прынятае Прэзiдэнтам рашэнне — сведчанне пастаяннай падтрымкi маладога корпуса вучоных з боку дзяржавы.