Нарадзіла i... на сметнiк

Источник материала:

На палiгоне бытавых адходаў каля в. Цупрыкi Брэсцкага раёна было знойдзена мёртвае, толькi народжанае дзiця. Замерзлае немаўля было закручанае ў спартыўныя штаны.

Смецце 3 лютага прывезла спецаўтамашына камунальнага прадпрыемства. Тыя адходы збiралiся па навакольных вёсках. І цяпер застаецца толькi знайсцi мацi-забойцу.

У першым выпадку гэта адбылося на рацэ Сож у Гомельскiм раёне за паўкiламетра ад пасёлка Паляна. Там на зiмовую вуду лавiў акунькоў ды плотак мясцовы жыхар, рабочы цеплаэлектрацэнтралi 58-гадовага ўзросту. Мяняючы месца рыбалкi, ён правалiўся пад лёд. Труп яго пакуль не знойдзены.

А ў другiм выпадку трагедыя адбылася не на рэчцы цi возеры, а ў... гарадской кватэры. I тое ж самае: з-за рыбы. Там 40-гадовы мужчына i яго сужыцелька цi то юшку зварыць хацелi, цi падсмажыць ляшча-карпа. А пачысцiць iх каму? Пачалi спрачацца, скандалiць. I дайшло да таго, што мужчына кухонным нажом крыянуў па шыi жанчыны. Смерць — на месцы.

I колькi пра гэта можна казаць i пiсаць? Вiдаць, на чужых памылках людзi не вучацца.

Жыхарка Кобрына з вул. 700 гадоў Кобрыну пакiнула дзверы сваёй кватэры не замкнёнымi на цэлую гадзiну i... спахапiлася, калi ўбачыла, што знiкла банкаўская картка i 429 долараў.

Злодзей — беспрацоўны з Барысава, якога раней судзiлi за крадзяжы.

Незвычайны спосаб зарабiць грошай знайшоў раней судзiмы жыхар Iванаўскага раёна. Ён зайшоў да бабулькi-пенсiянеркi i прапанаваў ёй танна купiць у яго 100 долараў. Жыхарка вёскi Вартыцк згадзiлася i заплацiла за "валюту" 60 тысяч рублёў. Калi зламыснiк пакiнуў хату, пакупнiца агледзелася i сама разабрала, што купюра не сапраўдная, а сувенiрная. Давялося звяртацца ў мiлiцыю. "Жартаўнiка" затрымалi, а з пенсiянеркай правялi растлумачальную работу. Купляць валюту з рук у нас забаронена.

Пры аглядзе легкавога аўтамабiля "ЛУАЗ", што належаў парушальнiку, быў знойдзены аптычны прыцэл да абрэза, фара з падствольным мацаваннем для стральбы ў начны час. Пры аглядзе домаўладальнiка леснiка былi знойдзены яшчэ тры незарэгiстраваныя паляўнiчыя стрэльбы, 20 патронаў 16-га i 12-га калiбру, 24 малакалiберныя патроны. Праводзiцца разбор.

Хутчэй за ўсё — так, бо меркаванне мае пад сабой наступную выснову. Невядомы (або невядомыя) скралi каня коштам 1 млн 145 тыс. рублёў з фермы сельскагаспадарчага вытворчага кааператыва "Новазенькаўскi", што ў Кармянскiм раёне, i калi пачалi шукаць прапажу, дык знайшлi... толькi тушу. Яна знаходзiлася за паўтара кiламетра ад райцэнтра.

А вось якое прымяненне двум каням хацелi знайсцi загадчык фермы i ветэрынарны ўрач адной з сельскагаспадарчых арганiзацый Жлобiнскага раёна, высвятляе мiлiцыя. Вядома толькi адно: яны прысвоiлi гэтых буланак.

Каля вёскi Засiмы Кобрынскага раёна сярод лесу знаходзiцца хутар.

Мiлiцыянеры падчас рэйду вырашылi зазiрнуць туды i не памылiлiся. У хаце стаяў стацыянарны перагонны апарат i дзве з паловай тоны брагi. Гаспадар гэтага багацця збег.

Пажар у вёсцы Яромiна, што пад Гомелем, ледзь не стаў прычынай трагедыi. 33-гадовы мужчына з вечара пакiнуў уключанай электрычную плiтку i пайшоў спаць у другi пакой. Як ад прыбора на кухнi запалiлiся рэчы, наўрад цi хто цяпер даведаецца. Полымем пашкоджана маёмасць цаглянага дома, сцены i нават столя. На шчасце, гаспадар прачнуўся, выклiкаў супрацоўнiкаў МНС i сам дапамагаў тушыць пажар.