Нівелiроўкай па Еўропе

Источник материала:

Беларускi бок ускладае вялiкiя спадзяваннi на старшынства Казахстана ў АБСЕ налета

Дыялог з Казахстанам, якi займае трэцяе месца ў аб’ёме знешняга гандлю Беларусi з краiнамi СНД, i без таго ўяўляе цiкавасць для нашай дзяржавы, аднак у святле старшынства краiны ў АБСЕ налета ён становiцца яшчэ больш цiкавым. Спiкер верхняй палаты парламента падкрэслiў: "Мы звязваем велiзарныя надзеi са старшынствам Казахстана ў АБСЕ i таму адсочваем усё, што адбываецца ў Казахстане ў перыяд падрыхтоўкi да гэтага". Палiтык згадаў, што Беларусь падтрымала кандыдатуру Казахстана на старшынства ў Арганiзацыi па бяспецы i супрацоўнiцтве ў Еўропе налета. "Прыярытэты, абазначаныя Казахстанам на перыяд старшынства, цалкам супадаюць з нашымi пажаданнямi, i мы поўнасцю iх падтрымлiваем", — запэўнiў Барыс Батура. "Спадзяёмся, што ў перыяд старшынства Казахстана ў АБСЕ намецiцца выраўноўванне ўзаемаадносiнаў памiж краiнамi Еўропы". Старшыня Савета Рэспублiкi адзначыў высокi ўзровень узаемаадносiнаў памiж Беларуссю i Казахстанам, падабенства ў антыкрызiсных мерах i аднолькавыя мэты — выйсцi з крызiсу "ў больш моцным, прасунутым стане".

Як плануецца актывiзаваць узаемаадносiны? "Стаўку мы робiм на рэгiянальнае супрацоўнiцтва", — заявiў пасол. Адзначыў ён i важнасць вялiкiх дзяржаўных праектаў. Паводле яго слоў, у Казахстане дзейнiчае дзяржпраграма, якая прадугледжвае 45 праектаў у перапрацоўчай, хiмiчнай прамысловасцi i iншых. Нягледзячы на крызiс, праекты не прыпыняюцца, "на гэтыя мэты вылучаецца дзяржавай 54 млрд долараў", — запэўнiў дыпламат i дадаў: "Чаму б беларуcкаму боку не паўдзельнiчаць у гэтых праектах?".