Няпоўнагадовых не выключаць!

Источник материала:

Пры гэтым дазвол на "развiтанне" будзе давацца толькi тады, калi стане зразумела, чым будзе займацца малады чалавек надалей. Як адзначыла Алена Герасiменка, гэта рашэнне павiнна зменшыць узровень падлеткавай злачыннасцi — не сакрэт, што часцяком парушае закон менавiта моладзь, якая не мае сталага занятку.

Дарэчы, паказчыкi падлеткавай злачыннасцi ў найбуйнейшым горадзе краiны працягваюць змяншацца. Калi пазалетась удзельнiкамi правапарушэнняў сталi 636, то летась — 535 няпоўнагадовых асобаў. Праўда, гэтаму ёсць i яшчэ адно тлумачэнне — больш пiльная ўвага да нядбайных сем’яў. Паводле слоў Алены Герасiменкi, сёння большасць гора-бацькоў зразумела — грошы на дзяржаўнае выхаванне дзяцей рана цi позна давядзецца вяртаць, i даўгi нiхто не "спiша". Таму калi ў 2007 годзе бацькi кампенсавалi 23-25 % выдаткаў на дзяржаўнае ўтрыманне дзяцей (зараз яго поўны кошт вагаецца ў межах 230-400 тыс. рублёў у месяц), то ў 2008 годзе гэты паказчык дасягнуў 64 %. Але галоўны вынiк iншы — летась у сталiцы з 587 дзяцей, што былi адабраныя з нядбайных сем’яў i часова змешчаныя ў сацыяльныя прытулкi, 221 вярнуўся ў свае родныя сем’i.

Пры гэтым, апроч неабходнасцi кампенсацыi выдаткаў, сёння ў гора-бацькоў Мiнска ёсць яшчэ адзiн стымул. У горадзе прынятае рашэнне не адключаць за неплацяжы электрычнасць, ваду i газ у "праблемных" сем’ях, дзе ёсць няпоўнагадовыя дзецi. Аднак у выпадку, калi дзецi адбiраюцца, бацькоў могуць перасялiць у жылыя памяшканнi горшых спажывецкiх якасцяў, а iх кватэры — здаваць у наём. Разам з тым, падкрэслiла Алена Герасiменка, у вынiку самi дзецi нiякiм чынам не пацерпяць — пасля дасягнення паўналецця дзiця зможа проста вярнуцца ў сваю ранейшую кватэру.