Кожнаму — па шэрай цыгарэце?

Источник материала:

Адна з умоў актывiзацыi знешнеэканамiчнай дзейнасцi — лiбералiзацыя мытнага заканадаўства. У сувязi з гэтым, паведамiў начальнiк упраўлення тарыфнага рэгулявання i мытных плацяжоў ДМК Сяргей Палудзень, за апошнi час Беларусь адмовiлася ад спагнання мытных плацяжоў на падставе ведамасных нарматыўных актаў (зараз выкарыстоўваецца толькi заканадаўства), пашырылася практыка дэкларавання мытнай вартасцi на падставе цаны здзелкi, вызначаныя нулявыя стаўкi на шэраг найменняў тэхналагiчнага абсталявання, а паказчык агляду транспартных сродкаў скарацiўся прыкладна да 1 %. Апроч таго, сёння распрацоўваюцца адзiныя правiлы вызначэння краiны паходжання тавару ў межах СНД, iдзе падрыхтоўка да стварэння адзiнага мытнага саюза Беларусi, Расii i Казахстана.

Адзiны саюз павiнен з’явiцца да 1 студзеня наступнага года, прычым у тым лiку тут маецца на ўвазе ўнiфiкацыя мытных тарыфаў. Праўда, заўважаюць у ДМК, пытанне, цi будзе ўведзены адзiны з Расiяй тарыф на легкавыя аўтамабiлi, пакуль застаецца ў стадыi абмеркавання.

Больш пэўна можна сказаць пра iншае: з сярэдзiны 2010 года плануецца лiквiдацыя пунктаў прыняцця паведамленняў на расiйска-беларускай мяжы.

Разам з тым, зазначаюць у Дзяржаўным мытным камiтэце, лiбералiзацыя нi ў якiм разе не азначае паслаблення кантролю. Сёлета мытнiкi выявiлi 6074 адмiнiстрацыйныя правапарушэннi, заведзены 22 крымiнальныя справы, з незаконнага абароту выведзеныя тавары i каштоўнасцi на агульную суму 23,8 млрд. рублёў. Пры гэтым у ДМК адзначаюць: зараз назiраецца значнае (больш чым у 13 разоў адносна аналагiчнага перыяду летась) павелiчэнне аб’ёмаў кантрабанды ў краiну тытунёвых вырабаў — сёлета затрымана больш за 10 млн. "безакцызных" цыгарэт. З iншага боку, пачасцiлiся выпадкi "незадэклараванага" вывазу за мяжу наяўнай замежнай валюты — на суму больш за 3 млрд. рублёў у эквiваленце.