Адзначылі i селi за руль
Адзначылі i селi за руль
За мiнулыя выхадныя адбылiся 53 дарожна-транспартныя здарэннi, у якiх 9 чалавек загiнулi i 61 быў паранены. 669 вадзiцеляў затрыманы ў стане алкагольнага ап’янення. Пацярпелi i 8 дзяцей. Так, у Магiлёве 20-гадовы вадзiцель не справiўся з кiраваннем, выехаў на ўзбочыну, дзе наехаў на дзвюх дзяўчынак — 9 i 12 гадоў. Дзяўчынкi атрымалi сур’ёзныя траўмы i былi шпiталiзаваныя: адна — з траўмай галавы i пераломам нагi, другая — з пераломам нагi. За тры месяцы з удзелам дзяцей адбылося 99 дарожна-транспартных здарэнняў, у якiх 4 дзiцяцi загiнулi i 95 былi паранены. "Паважаныя бацькi, штодня нагадвайце сваiм дзецям правiлы дарожнага руху i бяспечных паводзiнаў паблiзу дарог, — кажа старшы iнспектар спецыяльнага падраздзялення ДПС "Страла" Мiнiстэрства ўнутраных спраў. — На канкрэтных прыкладах тлумачце, як правiльна рэагаваць на небяспеку. Вучыце дзяцей быць уважлiвымi i асцярожнымi, прымацоўвайце да адзення значкi i падвескi з матэрыялу, якi адбiвае святло". Дзяржаўтаiнспекцыя таксама нагадвае, што кiраванне транспартным сродкам асобай, якая не мае права кiравання гэтым сродкам, гэтаксама як i перадача кiравання асобе, якая не мае права кiравання, караецца штрафам у памеры ад 175 да 700 тысяч рублёў. За тры месяцы па вiне вадзiцеляў, якiя не маюць правоў на кiраванне транспартным сродкам, было здзейснена 76 дарожна-транспартных здарэнняў, прычым 29 з iх — у стане алкагольнага ап’янення. У гэтых здарэннях загiнула 13 чалавек, 93 былi параненыя. Святлана БАРЫСЕНКА.
Чтобы разместить новость на сайте или в блоге скопируйте код:
На вашем ресурсе это будет выглядеть так
За мiнулыя выхадныя адбылiся 53 дарожна-транспартныя здарэннi, у якiх 9 чалавек загiнулi i 61 быў паранены. 669 вадзiцеляў затрыманы ў стане алкагольн
|
|