Белая лiлея
Белая лiлея
У аблiччы недасягальнай кветкi, поўнай чароўнай вабнасцi i нябеснай чысцiнi, малюецца першае каханне ў песнi "Белая лiлея" Уладзiмiра Буднiка i Анатоля Грачанiкава. Рамантычна-мройны расповед абуджае памяць, асвяжае душэўны стан светлынёй першых узвышана трапяткiх пачуццяў. Уладзiмiр Буднiк актыўна супрацоўнiчаў з многiмi слыннымi творцамi. Плённа складвалiся ў яго стасункi з паэтамi-землякамi. З Анатолем Грачанiкавым, Паўлам Шрубам, Аляксандрам Алпеевым кампазiтар стварыў нiзкi меладычных песень. Напiсаная сумесна з А. Грачанiкавым песня "Белая лiлея" стала прыкметнай вакальнай перлiнкай i на эстрадзе, i на бяседзе. Верш Анатоля Грачанiкава Музыка Уладзiмiра Буднiка
Над ярам, над крутым Чаромха расцвiла, Над ярам, над крутым Чаромхава завея. Я дзякую табе, Што ты са мной была, Як белая мая лiлея*. Прыпеў: Я дзякую табе за ласку i цяпло, Я дзякую табе пяшчотна i сардэчна. Лiлею ад мяне удалеч аднясло, А ў сэрцы ты маiм навечна. Чаромха адцвiла — Лiлея расцвiла. Схiлiлiся ў журбе Пялёсткi над вадой, Каб ведаць ты магла, Каб зразумець магла, Як я хачу зноў быць з табой. Прыпеў. I не шкадую я, Што недзе яр круты. Там сонечнай вясной Чаромхава завея. I не забуду, Што недзе ёсць i ты, Як белая мая лiлея. Прыпеў. Падрыхтаваў Мiхась ШАВЫРКIН.
Чтобы разместить новость на сайте или в блоге скопируйте код:
На вашем ресурсе это будет выглядеть так
У аблiччы недасягальнай кветкi, поўнай чароўнай вабнасцi i нябеснай чысцiнi, малюецца першае каханне ў песнi "Белая лiлея" Уладзiмiра Буднiк
|
|