Міністэрства культуры запрашае на "Вечар у музеі"

Источник материала:

Амаль месяц прайшоў, як у сталічных музеях па ініцыятыве Міністэрства культуры Беларусі стартавала акцыя “Вечар у музеі”. Творчы эксперымент аб’яўлены ў кастрычніку-лістападзе. У гэты перыд адзін раз у тыдзень (па графіку) музеі працягнулі рабочы дзень да 21 гадзіны. За першы месяц музеі ў вячэрні час наведалі каля 700 чалавек.

Вячэрняя праграма істотна адрозніваецца ад дзённай. Наведвальнікам прапанавалася шмат спецыяльных праграм, сярод якіх канцэрты беларускіх старажытных песень і танцы перыяду сярэднявечча ў Нацыянальным гістарычным музеі, майстар-класы фольк-рок-гуртоў бардаўская песні і музейныя заняткі для моладзі паводле лірыкі Янкі Купалы “Эстэтыка кахання”, оперныя спевы і сустрэчы з музыкантамі ў музеі гісторыі тэатральная і музыкальная культуры. Да гэтага ж часу было прымеркавана адкрыццё новых выставак, сярод якіх запамінальная выстаўка “Паміж небам і зямлёй” Андрэя Вераб’ева з элементамі перфоманса ў Нацыянальным мастацкім музеі, сумесныя з кінолагамі спецыяльныя праграмы “На службе Айчыне” у музеі гісторыі Вялікай Айчыннай вайны.

Безумоўна, музеі рупліва рыхтуюцца, каб цікавай была праграма і ў лістападзе. Наведваць сталічныя музеі запрашае Міністэрства культуры Беларусі.

Графік працы музеяў на перыяд з 5.10.2009 па 1.12.2009

Назва ўстановы	Час працы
Літаратурны музей М. Багдановіча	серада, да 21.00
Літаратурны музей Я. Купалы	чацвер, да 21.00
Літаратурны музей Я. Коласа	чацвер, да 21.00
Літаратурны музей П. Броўкі	чацвер, да 21.00
Дзяржаўны музей гісторыі беларускай літаратуры	чацвер, да 21.00
Дзяржаўны музей гісторыі тэатральнай і музыкальнай культуры	серада, да 21.00
Нацыянальны гістарычны музей Рэспублікі Беларусь	серада, да 21.00
Нацыянальны мастацкі музей Рэспублікі Беларусь	пятніца, да 23.00
Дзяржаўны музей гісторыі Вялікай Айчыннай вайны	серада, нядзеля, да 19.00