Абвешчаныя кандыдаты на Узнагароду імя Ежы Гедройца

Источник материала:

Журы пастанавіла намінаваць да Узнагароды імя Ежы Гедройца за 2009 год дванаццаць асобаў.

Уладзіміра Байдава – за папулярызацыю і новую інтэрпрэтацыю польскай старадаўняй, класічнай і сучаснай музыкі, а таксама прафесіянальную прэзентацыю польскай музыкі беларускім слухачам.

Валерыя Булгакава – за навуковую, публіцыстычную і выдавецкую дзейнасць, прысвечаную гісторыі Цэнтральнай Еўропы, а таксама праблемам развіцця нацыянальных супольнасцей пасля распаду савецкай імперыі.

Юрыя Васільева – за папулярызацыю сучаснага польскага мастацтва фатаграфіі, падтрымку і пашырэнне кантактаў паміж польскімі і беларускімі фатографамі.

Святлану Немагай і Віктара Скарабагатава – за вяртанне памяці пра Станіслава Манюшку і, ў прыватнасці за падрыхтоўку і рэалізацыю пастаноўкі оперы «Шчаслівая Латарэя ў Мінску Губернскім» Станіслава Манюшкі.

Веру Савіну і Аляксандра Нілава – за хвалюючую кінааповесць пра Чэслава Немэна «Гэты дзіўны свет».

Мікалая Пінігіна – за тэатральныя інсцэніроўкі, якія закранаюць праблему нацыянальнай прыналежнасці і гістарычнага дыялога культур.

Анатоля Трафімчыка – за гістарычную публіцыстыку, якая характаызуецца аб’ектыўным і добрасумленным падыходам да падзей другой сусветнай вайны.

Аляксандра Фядуту - за навуковую, публіцыстычную і выдавецкую дзейнасць, якая напамінае сучаснікам пра важнасць нашай агульнай, польска-беларускай гісторыі.

Андрэя Хадановіча – за стойкія і паспяховыя пошукі новых форм дыялога паэтаў з абшараў былога Вялікага Княства Літоўскага.

Андрэя Янушкевіча – за пошук новых тэм у даследаванні гісторыі Рэчы Паспалітай і Вялікага Княства Літоўскага, а таксама ўменне зацікавіць імі выдатных навукоўцаў іншых краін.

Вылучэнне кандыдатаў і узнагароджванне праводзіць Польскі Інстытут у Мінску, старшынёй журы з’яўляецца яго дырэктар Пётр Казакевіч

Абвяшчэнне лаўрэата Узнагароды Ежы Гедройца, вылучанага сярод намінаваных, адбудзецца 31 сакавіка 2010 года.