Спявачка Alyosha прадставіць Украіну на «Еўрабачанні-2010»

Источник материала:

Вызначыўся ўдзельнік «Еўрабачання-2010» ад Украіны. Гэта Alyosha (Алена Кучар).

24-гадовая спявачка атрымала перамогу з песняй «To be free» па выніках нацыянальнага адбору на конкурс, які прайшоў 21 сакавіка.

Але пакуль не вядома, ці з гэтай кампазіцыяй Alyosha выступіць на еўрапейскім конкурсе. Кампазіцыя з’яўляецца копіяй «You Knock Me Out» у выкананні Linda Perry і Grace Slick з фільма «Воран: Горад анёлаў» 1996 года. А яшчэ песня ўкраінскай спявачкі з’явілася ў Інтэрнэце ў 2008 годзе, што забаронена ўмовамі ўдзелу ў «Еўрабачанні» (песня не павінна была выносіцца на шырокае праслухоўванне да 1 кастрычніка мінулага года). Сёння адбудзецца экспертыза кампазіцыі ў Еўрапейскіма вяшчальным саюзе, які вызначыць, ці можа песня «To be free» удзельнічаць у конкурсе. Калі вынікі будуць адмоўнымі, то прыйдзецца тэрмінова замяніць кампазіцыю.