Латушка адслужыць паніхіду па загіблых ваярах Грунвальда

Источник материала:

Паніхіда ў памяць аб забітых ваярах Грунвальдскай бітвы адбудзецца сёння а 13 гадзіне ў Петра-Паўлаўскім саборы горада Мінска. Служыць будзе настаяцель сабору Георгій Латушка.

Падчас паніхіды згадаюць імя князя Сімяона (Лугвена), удзельніка бітвы і праваслаўнага дабрачынцы, заснавальніка шмат якіх цэркваў на тэрыторыі ВКЛ. Паніхіду заказала Таварыства беларускай мовы.

Петра-Паўлаўскі сабор — адзіны праваслаўны храм у сталіцы, дзе адбываюцца рэгулярныя богаслужэнні на беларускай мове.