На Вольскага наслалі МНС

Источник материала:

Пятнічным вечарам музыка павінен быў выступіць на “Арт Сядзібе”, якая мусіла адчыніцца на новым месцы. Але трыюмфальнага адраджэння так і не адбудзецца. Прынамсі, не з канцэрта Вольскага. У вечары перад канцэртам арт-дырэктар Павел Белавус знайшоў дзверы памяшкання апячатанымі. Як высвятлілася пазней, памяшканне апячаталі супрацоўнікі МНС.

"Усё вельмі проста: у сераду на generation.by выйшаў матэрыял, у якім распавядалася, што «Арт Сядзіба» адкрываецца ў новым месцы і першым мерапрыемствам у пятніцу будзе сустрэча з Лявонам Вольскім,  -- выказаўся на svaboda.org Белавус. --  Матэрыял пайшоў па інтэрнэту, яго прачыталі «патрэбныя» людзі, патэлефанавалі ў адміністрацыю Фрунзенскага раёна, там адразу паніка, тыя накіроўваюць праверыць памяшканне МНС, а ўладальніка ставяць перад фактам, што новыя арандатары гэтага памяшкання не пажаданыя. Такім чынам мы сёння адмянілі падпісаны дагавор і новая «Арт Сядзіба» зачынена, не паспеўшы адкрыцца. Вось такая ланцуговая рэакцыя "

У выніку канцэрт перанесены ў памяшканне Партыі БНФ.