“Вечарынцы” — 45! В Осиповичском районе отметили юбилей народного ансамбля

Источник материала:

У мінулую пятніцу ў Ялізаўскім пасялковым Доме культуры мясцовы народны ансамбль народнай песні зладзіў сапраўднае свята ў гонар дня свайго ўтварэння. Ва ўтульнай зале сабраліся ўдзячныя гледачы, якія прыйшлі павіншаваць любімы калектыў. Гаспадары ўрачыстасці дарылі ўсім прысутным сваю творчасць, сатканую з разнастайных песень.

І роўна 40 гадоў працягвае традыцыі распачатай папярэднікамі песеннай справы і выводзіць калектыў на новы ўзровень цяперашні мастацкі кіраўнік Джэма Рабава.

Чвэрць стагоддзя назад гурт атрымаў званне “народны”. Увесь гэты час — у пастаянным пошуку, рэпетыцыях, выступленнях, аглядах-конкурсах, фестывалях. Як вынік — заслужаныя ўзнагароды і падзякі шматлікіх прыхільнікаў, для якіх у выкананні любімых артыстаў у будучым прагучыць яшчэ не адна песня.