Гаспадаркі Беларусі ўбралі амаль палову вырашчанага ўраджаю зерневых

Источник материала:

Усяго сельгаспрадпрыемствамі намалочана 3 млн. 711,4 тыс. тон зерневых і зернебабовых пры сярэдняй ураджайнасці 30,9 ц/га. Лідэрам па агульным валавым зборы зерня з"яўляецца Мінская вобласць, дзе намалочана 815 тыс. тон зерня. Далей ідуць Магілёўская вобласць — 674,7 тыс. тон, Гомельская — 641,2 тыс., Брэсцкая — 584,8 тыс., Гродзенская — 562,7 тыс. і Віцебская — 432,3 тыс. тон.

У лік дзяржзаказу пастаўлена 400,6 тыс. тон зерня новага ўраджаю, ці амаль 40,5% ад плана. Па тэмпах выканання дзяржзаказу лідзіруюць гаспадаркі Гомельскай вобласці — яны перадалі ў лік дзяржавы 78,9 тыс. тон зерня (56,3% да задання).

Разам з уборачнай кампаніяй працягваюцца работы і па нарыхтоўцы травяных кармоў. Ужо нарыхтавана 3 млн. 650 тыс. тон кармавых адзінак, ці 57,4% задання. У цэлым па краіне нарыхтавана 1 млн. 125,5 тыс. тон сена (95,5% плана), 9 млн. 875,6 тыс. тон сенажу (111,5%), 1 млн. 578 тыс. тон сіласу (10%).