Самалёт на сонечных батарэях выправіўся ў першы кругласутачны палёт

Источник материала:

Самалёт Solar Impulse, рухавік якога працуе выключна на сонечных батарэях, пачаў першы кругласутачны тэставы палёт, паведамляюць інфармагенцтвы.

Унікальны апарат узляцеў сёння з ваеннага аэрадрома швейцарскага горада Паерн у кантоне Во. Плануецца, што на працягу дня самалёт будзе паступова набіраць вышыню, бесперапынна зараджаючы 12 тыс. сонечных батарэй. Да надыходу цемры ён павінен спусціцца на вышыню 1,5 тыс. м і паспрабаваць правесці ў паветры ўсю ноч, выкарыстоўваючы сонечную энергію, назапашаную за дзень у батарэях.

Прызямліцца Solar Impulse павінен у чацвер раніцай у Паерне. Калі эксперымент пройдзе паспяхова, гэта стане самым доўгім і высокім палётам самалёта на сонечнай энергіі.

Solar Impulse быў спраектаваны падарожнікам Бертранам Пікарам, які праславіўся ў 1999 пасля таго як у пары з англічанінам Браянам Джонсам ажыццявіў беспасадачны кругасветны пералёт на паветраным шары. Са снежня 2009 праводзіліся кароткія тэставыя палёты апарата, калі ён падымаўся не вышэй як на 1,5 м ад зямлі і пераадольваў дыстанцыю 300 км. Першы працяглы палёт Solar Impulse адбыўся 7 красавіка бягучага года ў Швейцарыі. Тады машына вагой 1,6 т правяла ў паветры больш за гадзіну, рухаючыся са скорасцю 40 км/гадз. Першая ж спроба сённяшняга палёту была запланавана на 1 ліпеня, але была адменена з-за тэхнічных праблем.

У 2011 годзе на Solar Impulse плануецца ажыццявіць бесперасадачны пералёт праз Атлантычны акіян.