Злачынства раскрыў… выпадкова

Источник материала:

Супрацоўнік аператыўна-дзяжурнай часці Брэсцкай абласной ДАІ ехаў пасля працы па вуліцы Ленінградскай са сваім таварышам. Таварыш звярнуў увагу на аўтамабіль сваяка, за рулём якога сядзеў зусім незнаёмы чалавек. Гэта адразу выклікала падазрэнне. Пасля таго, як машына прыпаркавалася ля спарткомплекса, супрацоўнік дзяржаўтаінспекцыі і яго таварыш убачылі там дваіх маладых людзей, яны былі яўна нецвярозыя, у адзенні з плямамі крыві. У лічаныя імгненні міліцыянер адабраў ключы ў кіроўцы і выклікаў падмогу.

Як паведаміла карэспандэнту начальнік упраўлення прапаганды і агітацыі абласной ДАІ Наталля Сахарчук, хутка высветлілася, што п’яныя хуліганы збілі механіка рамонтнай майстэрні, дзе знаходзілася машына, запхнулі яго ў салон і паехалі катацца. Праз некаторы час пацярпелы ўцёк, а яны працягвалі ваяж. Цяпер ім пагражае тэрмін за разбой і згон транспартнага сродку.