Паведамленне аб няшчасным выпадку ў вёсцы Мацькаўцы Вілейскага раёна паступіла да вілейскіх выратавальнікаў удзень 4 студзеня.
У прыёмны пакой раённай бальніцы звярнулася 32-гадовая жанчына з апёкамі твару і кісцей рук.
Як аказалася, прыйшоўшы дадому 3 студзеня каля дзевяці гадзін вечара, жанчына пасварылася з мужам. Пасля чаго абліла сябе бензінам і падпаліла. Была яна ў нецвярозым стане.
У выніку загарання жанчына атрымала апёкі твару, кісцяў рук першай-трэцяй ступені. Пацярпелая ў стане сярэдняй цяжкасці змешчана ў хірургічнае аддзяленне Вілейскай цэнтральнай раённай бальніцы
Паводле Мінскага абласнога ўпраўлення МНС Беларусі.
Главная
Гороскопы
