У Мінску зламаўся самалёт з удзельнікамі Форуму рэгіёнаў Беларусі і Расіі

Увечары 8 чэрвеня ў Мінску зламаўся самалёт Ту-214. У ім мусілі вяртацца на радзіму некаторыя прадстаўнікі расійскай дэлегацыі і журналісты, якія прымалі ўдзел у Форуме рэгіёнаў Беларусі і Расіі, перадае "Газета.Ру".

Пасажырам паведамілі пра тэхнічную непаладку і заявілі, што на працягу некалькіх гадзін прыбудзе іншы самалёт. Няспраўны авіялайнер адагналі ў тупік.

Форум рэгіёнаў Беларусі і Расіі прайшоў у Мінску 6-8 чэрвеня. У яго пленарным пасяджэнні 8 чэрвеня прынялі ўдзел кіраўнікі дзвюх дзяржаваў — Аляксандр Лукашэнка і Уладзімір Пуцін.