Мінчук уцёк з лазні ў адных плаўках, каб не плаціць за паслугі (фота)
02.08.2016 13:16
—
Разное
|
Фота: school20.by Супрацоўнікі аддзела крымінальнага вышуку Першамайскага РУУС Мінска шукаюць хлопца і дзяўчыну па падазрэнні ў крадзяжы, перадае Маладыя людзі прыйшлі ў лазневы комплекс на тэрыторыі Першамайскага раёна. Маладыя людзі заплацілі за ўваходныя квіткі і атрымалі спецыяльныя бранзалеты з датчыкамі. З дапамогай бранзалетаў можна было скарыстацца паслугамі бара на суму ў 40 дэнамінаваных рублёў. Пры выхадзе з лазні трэба было заплаціць суму, якую налічыць датчык. Хлопец з дзяўчынай адпачывалі ў комплексе каля дзвюх гадзін, прычым карысталіся паслугамі бара. Папарыўшыся, яны пайшлі ў памяшканне з купеллю. Там хлопец у плаўках і бранзалеце вылез у акно. Дзяўчына праз нейкі час пайшла на выхад. Яна аддала свой бранзалет на рэцэпцыі і паведаміла, што юнак выйдзе крыху пазней. Трывогу ўзняў ахоўнік лазні, які пабачыў адкрытае акно. Прагледзеўшы запісы з камер відэаназірання, ён звярнуўся ў міліцыю. Выявілася, што малады чалавек не аплаціў замову на 38 рублёў 69 капеек (386 900 рублёў "старымі"). Знік і дарагі бранзалет. Цяпер праваахоўнікі шукаюць хлопца з дзяўчынай. Прыкметы дзяўчыны: на выгляд 16-20 гадоў, сярэдняга целаскладу, валасы светлыя сярэдняй даўжыні. Яна была апранутая ў цёмныя джынсы, шэры швэдар з белымі квадратамі. Хлопец: на выгляд 16-20 гадоў, хударлявы, валасы цёмныя кароткія. Пра асобаў, бачных на фота, міліцыя просіць паведаміць у Першамайскае РУУС г.Мінска па тэлефонах: 8 (017) 280-02-02, 8 (029) 179-40-45 альбо па тэлефоне 102. Чтобы разместить новость на сайте или в блоге скопируйте код:
На вашем ресурсе это будет выглядеть так
Фота: school20.by Супрацоўнікі аддзела крымінальнага вышуку Першамайскага РУУС Мінска шукаюць хлопца і дзяўчыну па падазрэнні ў крадзяжы, перадае прэс-служба ГУУС...
|
|