У Бабруйску два рабочыя зваліліся з васьмі метраў

Трагічны інцыдэнт адбыўся ўчора каля 11-й гадзіны раніцы ў Бабруйску. Два рабочыя атрымалі траўмы, калі звалілася аўтавышка на платформе аўтамабіля "ЗіЛ". Як удакладняе komkur.info, здарэнне адбылося ў двары дома №132 па вуліцы Кастрычніцкай.

Рабочыя займаліся сезонай абрэзкай дрэваў. Ад пашкоджання гідраўлічнага мацавання механізму пад'ёму стрэлы металічная плацоўка, на якой працавалі рабочыя звалілася з вышыні васьмі метраў, паведаміў старшы следчы Бабруйскага міжрайаддзела Следчага камітэта Палякоў. Пры гэтым пацярпелі 35-гадовы і 26-гадовы рабочыя . Яны атрымалі множныя траўмы і былі шпіталізаваныя. Іх стан медыкі ацэньваюць як цяжкі.

Следчы камітэт пачаў крымінальную справу за парушэнне правілаў тэхнікі бяспекі.