Брастаўчанін вываліўся з акна сёмага паверха

У Брэсце загінуў мужчына, які вываліўся з акна сёмага паверху. Падрабязнасці здарэння агенцтву БЕЛТА паведаміў афіцыйны прадстаўнік УУС аблвыканкама Сяргей Дучэнка.

Трагічны інцыдэнт адбыўся 10 траўня каля 17.00 на вуліцы Рабінавай. 47-гадовага мужчыну, які зваліўся з акна ўласнай кватэры на сёмым паверсе, знайшлі супрацоўнікі патрульна-паставой службы міліцыі. Яны адразу паведамілі пра здарэнне на лінію 102 і выклікалі "хуткую дапамогу". Мужчына быў яшчэ жывы.

Медыкі спрабавалі рэанімаваць брастаўчаніна, але безвынікова. Па дарозе ў лякарню мужчына памёр.

На месцы здарэння працуе следча-аператыўная група. Вядома, што мужчына жыў адзін.