Юнкоры з Маладзечна лепшыя ў краіне

Лепшым школьным друкаваным выданнем краіны прызнана «Маладзёжная газета» маладзечанскай гімназіі №7. Трэцяе месца – у юнкораў СШ №11, якія выпускаюць газету «Каманда №11». Аўтары матэрыялаў — навучэнцы аб’яднання па інтарэсах «Юны журналіст» цэнтра творчасці дзяцей і моладзі «Маладзік». Менавіта тут школьнікі спасцігаюць сакрэты журналісцкай прафесіі. Аднак перамога ў такім прадстаўнічым рэспубліканскім конкурсе стала магчымай дзякуючы арганізацыйнай і фінансавай падтрымцы адміністрацыі гэтых навучальных устаноў.

Акрамя таго, лепшай газетай у сістэме дадатковай адукацыі стала газета «Маладзік» нашага цэнтра творчасці, якую разам са сваімі выхаванцамі выпускае кіраўнік аб’яднання па інтарэсах «Школа журналістыкі» Наталля Шульжыцкая. Яе навучэнкі Ірына Бубнова, Арына Вярхоўская, Ангеліна Пятроў-
ская і Карына Міклушыс перамаглі ў конкурсе «Юнкор года» і ўзнагароджаны граматамі газеты «Переходный возраст».  

Конкурс штогод праходзіць у рамках фестывалю школьнай прэсы «Пунсовыя ветразі».

Фота: архіў ЦТДіМ «МАЛАДЗІК».