Маладзёжны экіпаж камбайнераў з “АграБаравінкі” намалаціў 500 тон збожжа

Источник материала:

Тон у рабоце задае моладзь

Сярод камбайнерскіх экіпажаў у гаспадарках раёна працуе нямала моладзі. І яны не толькі вельмі стараюцца, але і задаюць тон у рабоце. Прыклад таму – маладзёжны экіпаж ААТ “АграБаравінка” ў складзе старшага камбайнера Кірыла Калдунова і камбайнера Сяргея Лісоўскага, якія ў мінулую пятніцу, 17-га жніўня, намалацілі 500 тон зерня.

Кірыл Калдуноў не навічок на жніве – кожны год садзіцца за штурвал камбайна. Па ўсяму бачна, у дуэце з Сяргеем Лісоўскім у яго работа ладзіцца. Сяргей, які адпрацаваў некалькі гадоў у Віцебскім раёне, нядаўна вярнуўся на сваю малую радзіму і ўладкаваўся ў сельгаспрадпрыемства, дзе працаваў да тэрміновай ваеннай службы.

Павіншаваць маладзёжны экіпаж з працоўнай перамогай прыехалі старшыня прафсаюзнай пярвічкі ААТ “АграБаравінка” Аляксандра Міраненка і старшыня райкама прафсаюза работнікаў АПК Вольга Пусянкова. Лідарам жніва ўручылі падарункі і падзячныя лісты.

Ларыса ЗАЙЦАВА.

Надрукавана ў №64 ад 21.08.2018 г.