На выхадныя надвор’е зменіцца

Яшчэ некалькі дзён пратрымаецца яснае надвор’е, а вось на выхадныя метэаролагі абяцаюць паніжэнне тэмпературы і ападкі.

Сёння, 23 жніўня, у раёне будзе без ападкаў і ясна, удзень паветра прагрэецца да +25 °С, ноччу — +15…+16 °С. Паўднёвы вецер будзе ў межах 4 — 6 метраў за секунду.

24 жніўня, — малавоблачнае надвор’е. ападкі, калі і магчымыя, то ноччу. Удзень чакаецца +23…+27 °С, у начныя часы — +17…+19 °С. Паўднёва-ўсходні вецер складзе 6 — 8 м/с, пры парывах — да 13.

У суботу, 25 жніўня, Нясвіжчыну чакае змена надвор’я: на працягу дня — воблачна з праясненнямі і дажджы, навальніцы. Удзень — да 23 градусаў вышэй за нуль, ноччу — 17 — 19 са знакам “+”.

Нядзеля, 26 жніўня, па меркаванні спецыялістаў, таксама будзе дажджлівай, з магчымымі навальніцамі і неістотным ветрам. Удзень — да +25 °С, ноччу — +16… +17 °С.

Мала чым зменіцца надвор’е і ў пачатку тыдня. Будзе воблачна з праясненнямі, з ападкамі ў выглядзе дажджу. Дзённая тэмпература складзе да +21 °С, ноччу — +13… +14 °С. Паўночны вецер — 4 — 6 м/с.

“НН”.