У аўтааварыі пад Кобрынам пацярпелі двое дзяцей

Увечары 25 лістапада пад Кобрынам адбылося ДТЗ. у якім пацярпелі двое дзяцей, паведамляе gaibrest.by.

Аўтааварыя адбылася ў 19:15. 57-гадовы кіроўца аўтамабіля "Фальксваген Мультыван" ехаў ад Кобрына ў напрамку Гомеля. Абганяючы "Фальксваген Пасат", ён улабавую сутыкнуўся з "Фордам Гэлаксі". які ехаў насустрач. 

Пры ДТЗ траўмы атрымалі 34-гадовая кіроўца "Форда", а таксама пасажыры гэтага аўто — 29-гадовая сястра кіроўцы, 40-гадовы муж кіроўцы, 14-гадовая дачка і сямігадовы сын. Усе яны былі прышпіленыя рамянямі бяспекі, а сямігадовы хлопчык ехаў у аўтакрэсле. Усе пацярпелыя з разнастайнымі траўмамі былі шпіталізаваныя ў Кобрынскую лякарню.