В Сенненском районе сформированы участковые избирательные комиссии

Рашэннем №543 ад 24 чэрвеня Сенненскім раённым выканаўчым камітэтам на тэрыторыі раёна ўтвораны ўчастковыя камісіі па выбарах Прэзідэнта Рэспублікі Беларусь.

 Прадстаўляючы членаў камісій, намеснік старшыні райвыканкама Зоя Фаміна акцэнтавала ўвагу, што большасць з іх маюць вопыт работы ў такой якасці, валодаюць неабходнымі прававымі ведамі ў заканадаўчай выбарчай сферы. Гэта надзейныя дзелавыя людзі, падсумавала яна. Адбываецца і абнаўленне складу камісій. У прыватнасці, упершыню членамі камісій сталі 4 чалавекі.

 — Пры фарміраванні камісій мы імкнуліся, каб у іх складзе быў прадстаўлены ўвесь спектр грамадства, — падкрэсліла Зоя Фаміна.

 Перш чым прыступіць да галасавання па рашэнні, старшыня райвыканкама Ігар Мароз заўважыў, што органы ўлады павінны забяспечыць правядзенне выбараў на ўсіх іх этапах строга ў адпаведнасці з заканадаўствам. А кожны пункт прынятага рашэння райвыканкама — выконвацца.

 Аляксандр ЛАЗЮК.