РТР-Беларусь пакажа iнтэрв'ю Аляксандра Лукашэнкi тэлепраграме Формула ўлады 29 жнiўня i 1 верасня

Источник материала:

У суботу, 29 жнiўня, тэлегледачы змогуць убачыць iнтэрв'ю ў 19.20, а ў аўторак, 1 верасня, паўторны паказ пачнецца ў 19.30.

"Формула ўлады" — сумесны праект расiйскага iнфармацыйнага агенцтва ІТАР-ТАСС i тэлеканала "Расiя". Перадача выходзiць у эфiр з 2000 года. За гэты час было створана больш як 150 праграм, сярод якiх тэлепартрэты прэзiдэнтаў ЗША Джорджа Буша i Барака Абамы, федэральных канцлераў Германii Герхарда Шродэра i Ангелы Меркель, прэзiдэнта Францыi Жака Шырака, караля Швецыi Карла ХVI Густава, караля Iспанii Хуана Карласа, каралевы Данii Маргрэтэ II, прэм'ер-мiнiстра Iталii Сiльвiо Берлусконi, амаль усiх кiраўнiкоў краiн СНД i iншых лiдараў дзяржаў. Iнтэрв'ю герояў тэлепраграмы ў тэкставым варыянце, як правiла, публiкуецца ў "Российской газете" i газеце "Известия", а таксама ў часопiсах "Огонек" i "Эхо планеты".

Пастаянным аўтарам i вядучым праграмы "Формула ўлады" з'яўляецца першы намеснiк генеральнага дырэктара IТАР-ТАСС Мiхаiл Гусман.