Сяргей Мартынаў наведае Латвію

Источник материала:

«Мартынаў сустрэнецца з прэзыдэнтам Латвіі Валдзісам Затлерсам, прэм’ер-міністрам Валдзісам Дамброўскісам і з міністрам замежных справаў Айвасам Ронісам», — паведамілі Інтэрфаксу ў МЗС Беларусі.

«Плянуецца разгледзець шырокае кола пытаньняў разьвіцьця адносінаў паміж Беларусьсю і Латвіяй, уключаючы магчымасьці пашырэньня гандлёва-эканамічнага супрацоўніцтва, (…) адбудзецца абмен думкамі па актуальных пытаньнях», дадалі ў прэсавай службе МЗС.

У 2009 годзе Латвія заняла 3-е месца паводле аб’ёме тавараабароту сярод усіх краінаў па-за СНД, 2 месца — паводле аб’ёму беларускага экспарту.

У 2009 годзе ўзаемны таваразварот зьнізіўся ў параўнаньні з 2008 годам на 22,1% і склаў 1775,1 млн даляраў ЗША.

Беларускі экспарт скараціўся на 22,5%, да 1658,5 млн даляраў ЗША.

На 1 студзеня 2010 г. у Беларусі зарэгістраваныя 255 арганізацыя з удзелам капіталу з Латвіі.

У Латвіі дзейнічае 631 прадпрыемства з беларускім капіталам.