Аляксандра Лукашэнку павіншавалі...

Источник материала:

працоўныя калектывы і арганізацыі Беларусі

У адрас Прэзідэнта Беларусі Аляксандра Лукашэнкі прадаўжаюць паступаць сотні віншаванняў ад працоўных калектываў, навучальных устаноў, прадпрыемстваў і іншых арганізацый краіны.

Прэзідэнт Азербайджана

Прэзідэнт Азербайджана Ільхам Аліеў павіншаваў свайго беларускага калегу Аляксандра Лукашэнку з перамогай на прэзідэнцкіх выбарах. Як адзначаецца ў пасланні Ільхама Аліева, размешчаным на афіцыйным сайце кіраўніка азербайджанскай дзяржавы, Беларусь і Азербайджан спакон веку звязаны цеснымі вузамі дружбы і супрацоўніцтва. "Упэўнены, што нашы міждзяржаўныя адносіны, грунтуючыся на гэтых добрых традыцыях, і ў далейшым будуць развівацца і ўмацоўвацца ў імя працвітання нашых народаў, у імя міру, стабільнасці і прагрэсу ў рэгіёне", — гаворыцца ў пасланні Прэзідэнта Азербайджана. "Жадаю вам, паважаны Аляксандр Рыгоравіч, моцнага здароўя, шчасця і поспехаў у вашай дзяржаўнай дзейнасці", — сказана ў віншаванні.

Прэзідэнт Ірана

Прэзідэнт Ірана Махмуд Ахмадзінежад адправіў пасланне ў адрас Аляксандра Лукашэнкі, у якім павіншаваў яго з перамогай на прэзідэнцкіх выбарах. Аб гэтым паведаміў іранскі тэлеканал "Прэс-ТБ". "Гэтыя выбары сталі яшчэ адной залатой старонкай у бліскучай гісторыі беларускага народа", — адзначаецца ў пасланні. На думку іранскага лідара, вынікі галасавання паказалі, што грамадзяне Беларусі падтрымліваюць Аляксандра Лукашэнку. Прэзідэнт Ірана таксама выказаў надзею на тое, што супрацоўніцтва паміж Тэгеранам і Мінскам будзе ў далейшым умацоўвацца. Прэзідэнт Туркменістана

Прэзідэнт Туркменістана   Прэзідэнт Туркменістана Гурбангулы Бердымухамедаў павіншаваў Аляксандра Лукашэнку з перавыбраннем яго на пасаду Прэзідэнта Рэспублікі Беларусь. Гурбангулы Бердымухамедаў выказаў упэўненасць, што традыцыйна дружалюбныя адносіны паміж нашымі краінамі і народамі, а таксама ўзаемавыгаднае супрацоўніцтва будуць няўхільна развівацца і ўмацоўвацца.

Прэзідэнт Таджыкістана

Прэзідэнту Беларусі Аляксандру Лукашэнку ўчора пазваніў Прэзідэнт Таджыкістана Эмамалі Рахмон, які павіншаваў кіраўніка беларускай дзяржавы з пераканаўчай перамогай на выбарах і пажадаў далейшых поспехаў. У ходзе размовы таксама былі абмеркаваны пытанні двухбаковага супрацоўніцтва, у тым ліку ў сферы пашырэння прамысловай кааперацыі і ўдзелу беларускага боку ў будаўніцтве і мадэрнізацыі магутнасцяў Таджыкістана па выпрацоўцы гідраэлектраэнергіі.