Дан старт кормозаготовительной кампании. 21.by

Дан старт кормозаготовительной кампании

Размер текста:
A
A
A

Источник материала: Полымя

У пачатку тыдня на Карэліччыне пачалася касавіца, якая і дала старт корманарыхтоўчай кампаніі бягучага года. Не толькі выканаўшы, але па некаторых паказчыках і перавыканаўшы даведзены ў мінулым годзе план, Карэліцкі раён стаў адным з перадавікоў корманарыхтоўкі-2018. Сёлета аграрыі Карэліччыны таксама плануюць паказаць добрыя вынікі ў нарыхтоўцы кармоў на бягучы зімовы перыяд. Аднак нельга не дадаць: ход корманарыхтоўчай кампаніі ў значнай ступені будзе залежыць ад надвор’я.

Дан старт кормозаготовительной кампании

— Падчас корманарыхтоўчай кампаніі 2019 года сельгаспрадпрыемствам раёна ў цэлым неабходна высушыць 11000 тон сена, закласці 154405 тон сенажу і 158420 тон сіласу, –  адзначыў начальнік аддзела арганізацыі вытворчасці і механізацыі ўпраўлення сельскай гаспадаркі і харчавання Карэліцкага райвыканкама  Генадзій Белы. – Сёлета да нарыхтоўкі кармоў у раёне прыступілі на тыдзень пазней, чым у мінулым годзе. Некаторы час было дастаткова холадна. Аднак на сённяшні дзень склаліся спрыяльныя ўмовы для росту траў: дастаткова вільгаці і цяпла. Як паказаў раённы агляд корманарыхтоўчай тэхнікі, кіраўніцтва ўсіх гаспадарак адказна падыйшло да яе рамонту і абслугоўванню. Як вынік, сёння амаль усе гаспадаркі раёна актыўна ўключыліся ў нарыхтоўку кармоў, а менавіта косяць травы і закладваюць сянаж у сянажныя траншэі.

З самага пачатку тыдня да касавіцы прыступілі аграрыі КУСП “Чарняхоўскі-Агра”. Дарэчы, яны адны з першых у раёне пачалі закладваць сянаж.

– Касіць злакавыя ва ўрочышчы Лыкавічы пачалі ў панядзелак. Праз два дні, у сераду, пасля таго, як яны падвяліліся, прайшлі граблі, і да працы прыступіў “Ягуар”. Затым здрабнёная зялёная маса адвозілася на ферму “Лыкавічы”, дзе трамбавалася ў сянажную траншэю, – расказвае аб першых кроках корманарыхтоўкі-2019 упраўляючы ўчасткам №1 Юрый Кірэеў. – Для таго, каб у поўнай ступені забяспечыць пагалоўе буйной рагатай жывёлы якаснымі кармамі, запланавана нарыхтаваць 1670 тон сена, 14035 тон сенажу і 13600 тон сіласу. Аднак працаваць неабходна хутка, каб правесці першы ўкос у сціслыя тэрміны. Менавіта зараз самы спрыяльны час, бо травы знаходзяцца ў фазе бутанізацыі. Увогуле, на першы ўкос ускладаем вялікія надзеі.

Для паспяховага правядзення корманарыхтоўчай кампаніі гаспадарка мае ўсю неабходную тэхніку: 4 касілкі, 4 грабель, 2 корманарыхтоўчыя камбайны, машыны для адвозкі зялёнай масы і інш.

– Безумоўна, тэхніка мае асаблівасць ламацца. Спрагназаваць гэта немагчыма, – з веданнем справы адзначае Юрый Кірэеў. – Аднак інжынерная служба гаспадаркі заўсёды на падхваце. Увогуле, вельмі важна, каб спецыялісты розных галін працавалі ў адной звязцы. Тады і агульным вынікам кожны будзе задаволены.

Калі для вопытнага ўпраўляючага ўчасткам распачаўшаяся корманарыхтоўка не дзясятая і нават не дваццатая па ліку, то для чацвёртакурсніка Навагрудскага дзяржаўнага аграрнага каледжа Марка Катовіча, які падчас майго прыезду таксама знаходзіўся на полі, гэта толькі першыя крокі ў будучую прафесію. Пасля заканчэння каледжа малады спецыяліст прыйдзе на працу ў КУСП “Чарняхоўскі-Агра” ў якасці памочніка ўпраўляючага ўчасткам, таму самы час ад тэорыі пераходзіць да практыкі.

Гледзячы на імклівы рух тэхнікі ва ўрочышчы Лыкавічы, стала зразумела, што ў корманарыхтоўку механізатары гаспадаркі не ўвайшлі, а літаральна ўварваліся. Пакуль стаіць добрае надвор’е, трэба працаваць. Дарэчы, прагноз сіноптыкаў для аграрыяў раёна застаецца самай актуальнай інфармацыяй, за якой сочаць бадай што ўсе працаўнікі палёў.

Аксана ЯНУШ
Фота аўтара

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
У пачатку тыдня на Карэліччыне пачалася касавіца, якая і дала старт корманарыхтоўчай кампаніі бягучага года. Не толькі выканаўшы, але па
 
 
 


Архив (Сельское хозяйство)

21.by в социальных сетях



Партнёры

© 2004-2019 21.by
Яндекс.Метрика